په قطر کې د « قرآن زده کړې" د پروګرام تود هرکلی کیږي

ایکنا- په قطر کې د قرآن او عربي ژبې د زده‌کړې د پراختیا او دودونکې کمیټې مشر اعلان وکړ چې د  د قرآن ښوونکی  یا زده کړې  پروګرام دویمه اوونۍ د زده‌کوونکو، استادانو او والدینو له پام وړ ګډون سره مخ شوې ده.

  ایکنا نیوز د الشرق  له قوله راپور راکړ، د قرآن او عربي ژبې د زده‌کړې د پراختیا او  دودونې د کمیټې مشر سلطان ابراهیم الهاشمي وویل: دا هرکلی د ښوونیز ډګر په برخې کې د «د قرآن ښوونکي» پروګرام مثبت اغېز څرګندوي او د دې ازمیښتي مرحلې  بریا تأیید کوي، او راتلونکی کال د ټاکلو پلانونو له مخې د دغه پروګرام د پراختیا لپاره لاره هواروي.

الهاشمي څرګنده کړه چې دا نوښت په عربي او اسلامي نړۍ کې لومړنی نوښت دی او د ښوونځي په چاپېریال کې د قرآن د زده‌کړې د نظام په پرمختګ کې یو کیفیتي بدلون ګڼل کېږي.

هغه وویل چې دا پایله د هغو تخصصي څېړنو ده چې د کمیټې له خوا د قرآن د تدریس د طریقو د ښه کولو او د هغې د لاسته راوړنو د زیاتولو په موخه ترسره شوې دي.

الهاشمي زیاته کړه چې د قطر دولت د دغه نوښتګر ښوونیز ماډل په خپلولو کې مخکښ دی، او دا کار یې د اوقافو او اسلامي چارو وزارت په همکارۍ ترسره کړی، هغه وزارت چې د دې نوښت په پلي کولو کې د ګډون لپاره یې یو شمېر وړ امامان معرفي کړي دي.

هغه څرګنده کړه چې امامان د قرآن په تلاوت کې د لوړې وړتیا او مهارت له مخې په ډېر دقت سره ټاکل شوي دي.

https://iqna.ir/fa/news/4350569