د ترکیې د فټ بال لیګ د قهرمانۍ په جشن کې د فلسطین ملاتړ

ایکنا-  د  ګالاتاسرا  فوټبال ټیم   فرانسوي لوبغاړې، ساشا بوئي، د ترکیې لیګ د قهرمانۍ په جشن کې د ټولو پام ځان ته راواړاوه او د جام د مراسمو پر مهال ئې د فلسطین بیرغ پورته کړ.

د ایکنا د راپور له مخې، د دغه ۲۴ کلنې فرانسوي لوبغاړې پلویانو په ټولنیزو چینلونو  کې عکسونه او ویډیوګانې شئیر کړې، چې پکې ساشا بوئي د میدان په مینځ کې د فلسطین بیرغ پورته کړی دی.

بوئي د ګالاتاسرا  د وروستیو کلونو یو مهم  لوبغاړی دی چې د دفاع په ښي اړخ کې لوبې کوي او مخکې ئې د بایرن مونیخ لپاره لوبې کړې دي.

دغه پېښه یوازې څو ورځې وروسته د هسپانیا د ملي ټیم د ځوان ستوري لامین یامال  له ورته اقدام وروسته وشوه؛ هغه هم د بارسلونا د لیګ د قهرمانۍ په جشن کې د فلسطین بیرغ پورته کړ.

یامال د دې اقدام په پایلې کې د اسراییلو په رسنیو او چارواکو  پراخې نیوکې وشوې، خو  له دې سره په یووخت  د هسپانیا له رسنیو او صدراعظم څخه ئې ډېره ستاینه وشوه، او هغوی د ځوان لوبغاړي د موقف کلک ملاتړ وکړ.

دا لومړی ځل نه و چې د ګالاتاسرا  په جشنونو کې د فلسطین بیرغ ښکاره شو. مراکشي ستوری، حکیم زیاش، دوه کاله مخکې هم  د دې ټیم د قهرمانۍ په جشن کې د غزې د تړانګې پر وړاندې په جګړې   کې ځان د فلسطین بیرغ سره پوښلی و.

https://iqna.ir/fa/news/4352526