د علي(ع) او فاطمه(س) واده «وجودي اړخونه لري

ایکنا- د تهران د  علمي حوزو د  شورا مشر آیت‌الله رشاد د حضرت امام علي(ع) او حضرت فاطمة زهرا(س) د واده په مناسبت وویل چې دا پیښه «وجودي  اړخونه» لري او مهمه برکت ئې د شریعت ساتنه او د انسان د نجات  د زمینې برابرول دي.

د ایکنا د راپور له مخې، آیت‌الله رشاد پرون  د ذی الحجه د میاشتې  په لومړۍ ورځ  په یولړ څرګندونو کې وویل: دا واده یوازې تاریخي یا کورنۍ پیښه نه ده، بلکې په هستۍ کې داسې  واقعه ده  چې باید د  پنځون په نظام کې وڅیړل شي.

هغه زیاته کړه، د دغه واده مهم  برکت د شریعت او دین ساتنه ده. د   اهل تشیع تاریخ او حتی د اهل سنت ځینې برخې د دې واده له نسل څخه مننه لري، ځکه هغه څوک چې دین یې وساته، زیاتره له ساداتو  وو او نسب ئې  رسول الله(ص) ته رسېد.

رشاد وویل، د قرآن لومړني مفسرین، لوي فقیهان او راویان  له  همدغه  نسل څخه راوتلي، او هر څه چې بشر ته د علم او معرفت برخه شوې، د دغه  خاندان له لارې نسلونو ته منتقل شوي دي.

هغه د حکمت د دوو  څانګو تشریح وکړ او وې وئيل؛: پیغمبر اکرم(ص) کتاب او حکمت دواړه  یو ځاي پرېښودل؛ یوه څانګه نبوي حکمت او بله ئې الهي حکمت دی چې د علي او فاطمه(ع) او د هغوی د  اولادونو له لارې  په تاریخ کې بشریت ته رسول شوې دي.

رشاد ټینګار وکړ چې د علي(ع) او فاطمه(س) واده له یوې عادي کورني تړون څخه زیات دی؛ دا یو وجودي او تاریخي تړون دی چې  ټول انساني تاریخ  باندذې ئې  اغېزې کړی دی. د دې مبارک  واده نتیجه «کوثر» دی، چې د ظلمت څخه د رڼا پر لور د بشر د نجات زمینه برابروي.

https://iqna.ir/fa/news/4352866