د قرآن او مسجد الاقصی په برخې کې د یمن خلکو پراخ ملاتړ

ایکنا- د یمن خلکو په میلیوني لاریونونو کې د لبنان د خلکو او مقاومت سره همغږي اعلان کړه او د قرآن او مسجد الاقصی بشپړ ملاتړ ئې وکړ، او خبرداری ئې ورکړ چې د سپکاوي  او تیري  په وړاندې به چوپ نه پاتې کیږي.

 ایکنانیوز د المسیره له قوله راپور راکړ، ، په لکونو  یمنيانو  په صنعا او صعده ښارونو کې پراخ  لاریونونه ترسره کړل، او  د قرآن او مسجد الاقصی د ملاتړ  په اعلانولو سره ټینګار  وکړ چې د لبنان د خلکو او مقاومت ترڅنګ دریږي، او د هر ډول مقابلې لپاره چمتو دي.

په هغې بیانیې کې چې د «د قرآن او مسجد الاقصی مرسته ،له لبنان سره همغږي او د بشپړ  چمتووالي ټینګار» په عنوان سره خپره شوه، راغلي دي؛  مونږ د صهیونيسټانو لخوا د قرآن کریم پر دوامدارو سپکاویو  او د مسجد الاقصی د سپکاوي د هر ډول عملونو مخالفت کوو. مونږ به د صهیونيسټي  رژیم د هر ډول تازه توهینونو او کرغیړنو کړنو  په وړاندې چوپ  پاتې نه شو.

په بیانیه کې دا هم راغلي: «مونږ د مسلمانانو او زمونږ امت ملتونو ته بلنه ورکوو چې د خداي په لاره کې جدي حرکت وکړي، د بندیزونو کمپاینونه پراخ کړي او په میلیوني لاریونونو کې برخه واخلي. مونږ له مسلمانانو غواړو چې د صهیونيسټي پلانونو او د  د اسلاميامت ددغه شان دښمنیو په وړاندې ودریږي.

بیانیه همدارنګه ټینګار کوي:  مونږ د خپل قرآني، دیني او اخلاقي موقف پر بنسټ د غزې د خلکو ملاتړ او د مسجد الاقصی او د فلسطین  د هرې برخې آزادولو هڅه  په جدیّت سره تعقیبوو.

په بیانیې کې د امریکا او اسرائیل رژیمونو ته هم خبرداری ورکړل شوی:چې   مونږ د هر ډول نوې پېښې یا د امریکا او اسرائیلو د هر ډول هغه ظلم او کړاؤ په وړاندې بشپړ چمتووالی اعلانوو چې زمونږ سیمه او اسلامي امت په نښه کوي.

 د اعلامیې په پآی کې راغلي دي؛ مونږ به د حق پر موقف کلک ودریږو ، د مسؤلیت غږ ته به ځواب ووایو او د انقلاب تر بیرغ لاندې په بشپړ قدرت سره  حاضر یو.»

https://iqna.ir/fa/news/4352958