د حزب الله د شهید مبارز مېرمن: د لبنان ملت په ایمان او هیلې ولاړ دی
ایکنانیوز راپور راکوي، حورا یاسین، چې د الکوثر نړیوال چینل یوه رسنیزه څېره او د لبنان د حزب الله غورځنګ د شهید مبارز محمدباقر علي کرکي مېرمن ده، له ایکنا سره په مرکې کې د کورنۍ د ټینګښت لپاره د رسنیو د رول، د شهیدانو په کورنیو کې د ژوند تجروبې، د صهیونیستي رژیم د یرغلونو پر وړاندې د لبنان د خلکو د زغم او د لبنان په ټولنې کې د مقاومت د مقام په اړه خپلې لیدلوري بیان کړل.
ایکنانیوز له دوي پوښټتنه وکړه چې تاسې په الکوثر نړیوال چینل کې د «قهوې پیاله» نومې پروګرام له لارې د کورنۍ او ټولنې پر موضوعاتو خبرې کوئ. ستاسو په اند، په داسې شرایطو کې چې سیمه له ګڼو بحرانونو او جنګونو سره مخ ده، رسنۍ د امید ساتلو او د کورنیو د پیاوړتیا لپاره څه رول لري؟
نو میرمن حورا په ځواب کې ووئيل؛ نن سبا رسنیو زمونږ د ژوند ډېره برخه په برَ کې نیولې ده او نږدې د معلوماتو او خبرونو د ترلاسه کولو له اساسي وسیلو څخه ګرځېدلې دي. د همدې اهمیت له امله دښمنان هڅه کوي چې د رسنیو له لارې د مقاومت ملاتړو چاپېریالونو ته زیان ورسوي، د هغوی مورال او حوصله کمزوری کړي او د هغوی ترمینځ بېباوري او لړزانتیا رامنځته کړي.
له همدې امله، د رسنیزو فعالیتونو پراخول، د هغوی د کچې لوړول او په سمه توګه ورته لارښوونه کول، د مقاومت د ځواکونو او د هغوی د خلکو ترمنځ د یووالي او پیوستون په پیاوړتیا کې مهم رول لري. همدارنګه رسنۍ کولای شي حقیقت روښانه کړي او د دروغجنو روایتونو او د دښمنو رسنیو تبلیغات بېاغېزې کړي.
هغې په دوام کې ووئيل، اوس زمونږ دنده دا ده چې د پوځي وسلې ترڅنګ له دغې رسنیزې وسلې څخه هم د اسلامي امت د قضیو د خدمت لپاره ګټه پورته کړو، څو د نړۍ عامه افکار حقیقت هماغسې وویني لکه څنګه چې دی.
له هغې دغه راز بیا پوښتنه وشوه چې د شهید کرکي کورنۍ په لبنان کې د مقاومت له پېژندل شویو کورنیو څخه ده. په داسې کورنۍ کې ژوند کول د ننني نسل لپاره کوم مسئولیتونه او پیغامونه لري؟ نو هغې په ځواب کې ووئيل،مونږ ټول تر هر څه وړاندې د کربلا له مکتب سره تړاو لرو؛ یو داسې مکتب چې موږ ته یې قدرت ، عقیده، یقین، ایمان، صبر او زغم راکړی دی. زمونږ سرښندونکې کورنۍ اوس د کربلا د درسونو ژوندۍ انځورونه دي؛ ځکه چې هغوی خپل ځانونه، مالونه او اولادونه قرباني کړي دي. زمونږ صبر او استقامت د همدې ارزښتناک میراث په ساتنې کې مرسته کوي.
د ایکنانیوز خبریال بیا ورځیني وپوښتل چې د لبنان خلکو په وروستیو کلونو کې له جګړو رانیولې تر اقتصادي ستونزو پورې ډېرې سختۍ ګاللې دي. ستاسو په اند، د لبنان د ټولنې د دې بېساري زغم او استقامت راز څه دی؟نو دغې مجاهدې میرمنې په ځواب کې ووئيل؛ د دې ټول زغم او مقاومت اصلي راز، په خدای تعالی له ایمان او د هغه د ارادې له منلو وروسته، د امام حسین(ع) په مکتب کې نغښتی دی.
همدارنګه د هغو کسانو رول هم مهم دی چې مونږ ئې د مقاومت په چاپېریال کې وروزلو؛ زما مطلب ستر شهید سید حسن نصرالله دی، چې زمونږ لپاره تر ټولو غوره ملګری او ملاتړی و، او همدارنګه د هغه ملګري چې د دغه سرښندونکي ولس وفادار بچیان دي.
هغې زیاته کې ،مونږ د یوې داسې ونې په څېر یو چې ریښې ئې په ځمکې کې ټینګې دي او څانګې ئې اسمان ته رسېدلې دي. زمونږ شهیدان د عزت او سرفرازۍ د ترلاسه کولو لپاره یو له بل سره د سیالۍ په حال کې دي. او د ا زمونږ لپاره لوي ویاړ او زده کونکی درس دی.
https://iqna.ir/fa/news/4359522
