د «تل زینبیه» حرم د کربلا ښځینه زائرانو ته بېرته پرانیستل شو ( انځورونه)

ایکنا- د حضرت امام حسین (ع) د سپېڅلي آستان د پراختیا څانګې اعلان کړی چې د محرم د ګڼې ګوڼې پر مهال ئې د «تل زینبیه» حرم دروازې د ښځینه زائرانو پر مخ بېرته پرانیستې دي.

د ایکنا د راپور له مخې، د حضرت امام حسین (ع) د سپېڅلي آستان د پراختیا څانګې مشر حسین رضا مهدي وویل چې د محرم له اوومې څخه تر دیارلسمې نېټې پورې د ښځینه زائرانو لپاره د تل زینبیه حرم پرانیستل شوی، څو د زیات شمېر زائرانو د منلو لپاره اضافي ځای برابر شي.

هغه زیاته کړه چې د ترسره شویو چمتووالي په لړ کې د حرم فرش کول، د تورو بیرغونو او بینرونو لګول چې د غم او ماتم فضا انځوروي، او همدارنګه د حرم بشپړه پاکوالی او خوشبوئي شامله ده، څو د دې سپېڅلي ځای له مقام سره مناسبه فضا رامنځته شي.

هغه وویل، د ښځینه زائرانو د تګ راتګ د اسانتیا، د ګڼې ګوڼې د مخنیوي او د عبادت او زیارت لپاره د مناسب او ارام معنوي چاپېریال د برابرولو په موخه ځانګړې لارې هم چمتو شوې دي.

نوموړي زیاته کړه چې دا ټول اقدامات د امام حسین (ع) د سپېڅلي آستان د خدمتونو د جامع پلان یوه برخه ده، چې موخه یې د عراق دننه او بهر څخه راغلو میلیونونو عزادارانو ته د هوساینې او لوجستیکي خدمتونو برابرول دي.

https://iqna.ir/fa/news/4360410