د ایران د ولس مقاومت په اسلامي نړۍ کښې د هیواد عزت ډیر کړ
یکنانیوز د پارس ټوډې له قوله راپور راکړ ، د ایران د اسلامی جمهوریت ولسمشر مسعود پزشکیان د قم د مدرسې د ښوونکو د ټولنې له غړو سره په یوه غونډه کې، د وروستۍ تحمیل شوې جګړې د شهیدانو د یادولو په ترڅ کې، د هیواد له سختو حالاتو او شرایطو د تیریدو لپاره د ایران د ملت د مقاومت، د وسله والو ځواکونو د قربانۍ او د خلکو د مختلفو پرګنو د بې ساري ملاتړ ستاینه وکړه، او ویې ویل: هغه څه چې په تیرو میاشتو کې پیښ شوي د ملي یووالي، د ایران او انقلاب سره د خلکو وفاداري او د ملي عزت او امنیت د دفاع لپاره د هیواد د ټولو وړتیاوو د چمتووالي څرګنده نمونه وه.
ولسمشر پزشکیان د هیواد د دفاع په برخه کې د ایران د وسله والو ځواکونو د حماسي کارنامې او همدارنګه په ځانګړو شرایطو کې د خلکو د اړتیاوو د پوره کولو په برخه کې د بازار موندونکو، تولیدونکو او اقتصادي فعالانو ملاتړ ته په اشارې سره زیاته کړه: "په هغو ورځو کې چې دښمنانو هڅه کوله چې په هراړخیز فشار سره هیواد ګډوډ او ناامنه کړي، د ایران ملت په خپل یووالي او شعوري شتون سره، د دوی پلانونه شنډ کړل."
د ایران ولسمشر د ایران او امریکا ترمنځ د خبرو اترو او موافقې پروسه هم تشریح کړه او ویې ویل: "د خبرو اترو ټول پړاوونه د نظام د لویو پالیسیو په چوکاټ کې، د اسلامي انقلاب له رهبر سره په بشپړ او دوامداره همغږۍ کې، او د هیواد د قانوني میکانیزمونو په چوکاټ کې تعقیب شوي، او د ایران حکومت د وقار، واک او د ملي ګټو د ساتنې له نظره په ټولو مرحلو کې د ایران د ملت حقونه تعقیب کړي دي."
د ایران ولسمشر د خپلې وینا په وروستۍ برخه د ایراني ملت په وړاندې د امریکا او صهیونیسټ رژیم د جنایتونو د قانوني تعقیب په اړه کې وویل: "د ایران حکومت د دې جرمونو د تعقیب لپاره ټول کورني او نړیوال قانوني ظرفیتونه کارولي دي او تر څو چې د ایراني ملت حقونه ترلاسه نه شي، له دې لارې به شاته نه شي."
https://parstoday.ir/ps/news/iran-i174712
