قفقاز ؛ انتہا پسندی سے بچنے کے لیے سکولوں میں حقیقی اسلامی تعلیمات عام کرنے کی ضرورت
بین الاقوامی گروپ : قفقاز میں مسلمانوں سے مربوط ادارے کے انچارج اور باکو کی اسلامی یونیورسٹی کے چانسلر "فواد نور اللہ اف" نے جمہوریہ آذربائیجان کے سکولوں میں بچوں کو انتہا پسندی سے دور رکھنے کے لیے انکو حقیقی اسلامی تعلیمات سے آشنا کرنے پر زور دیا ہے ۔
ایران کی قرآنی خبر رساں ایجنسی (ایکنا) کے شعبہ مرکزی ایشیا کی رپورٹ کے مطابق فواد نوراللہ اف نے کہا : آج جمہوریہ آذربائیجان کے بہت سارے لوگ دینی تعلیم حاصل کرنے کے لیے مسجدوں کی طرف رخ نہیں کرتے اور نہ ہی مساجد میں دینی تعلیم کے لیے کوئی قابل ذکر بندوبست کیا جاتا ہے صرف نماز جمعہ کے دوران اخلاق اور تہذیب نفس کے بارے میں خطبے دیئے جاتے ہیں ۔
انہوں نے دینی تعلیم کے لیے بنیادی سہولیات سے محروم لوگوں کی ایک بڑی تعداد کی جانب اشارہ کرتے ہوئے مزید کہا : تعلیمی نصاب میں دین کے حقیقی مفاہیم کی طرف عدم توجہ کے باعث دین کے بارے میں غلط قسم کے تصورات اور شدت پسندی جیسے مسائل کو روکنا ناممکن ہوتا جارہا ہے ۔
1373471
نظرات بینندگان
