اقوام متحدہ اسرائیلی مظالم بند کرائے: پاکستان علماء کونسل کا مطالبہ
ایکنا نیوز-شفقنا-اکستان علماء کونسل کے زیراہتمام لاہور میں یکجہتی فلسطین کانفرنس منعقد کی گئی، جس میں سیاسی ،اقلیتی اور مذہبی جماعتوں کے رہنماؤں نے شرکت کی اور مشترکہ اعلامیہ میں فلسطینیوں سے اظہار یکجہتی کے لیے پاکستانی پرچم کوایک روز کے لیے سرنگوں رکھنے کا مطالبہ کیا گیا ، موصولہ رپورٹ کے مطابق لاہور پریس کلب میں ہونے والی یکجہتی فلسطین کانفرنس کی صدارت پاکستان علماء کونسل کے چیئرمین حافظ طاہر محمود اشرفی نے کی، مسلم لیگ نون ، پیپلز پارٹی، جمعیت علماء اسلام کے ساتھ مسیحی اور ہندو رہنما بھی شریک ہوئے، مشترکہ اعلامیہ میں اسلامی سربراہی کانفرنس بلانے اور اسرائیل کو جارحیت سے روکنے کا مطالبہ کیا گیا، پیپلز پارٹی کے رہنما نوید چودھری نے اسرائیل پر جنگی جرائم کا مقدمہ چلائے جانے کا مطالبہ کیا، مسلم لیگ نون کے ایم این اے پرویز ملک کا کہنا تھا کہ حکومت قوم کے جذبات کی بھرپور ترجمانی کرےگی، فلسطین کے سفیر احمد ابو علی نےٹیلی فونک خطاب کرتے ہوئے کہا کہ 150 فلسطینی شہید ہوچکے ہیں لیکن عالمی ضمیر سویا ہوا ہے،، مولانا محمد حسین اکبر، پیر محفوظ مشہدی ،مولانا عبدالخبیر آزاد ، پادری شاہد معراج، پادری کھوکھر ،جے وشنو ،عبداللہ ملک اور دیگر شرکاءنے بھی اظہار خیال کیا۔
