قوم کو علامہ اقبال جیسی رواداری اور اعتدال پسندی کی ضرورت ہے :الطاف حسین
ایکنا نیوز- ڈیلی پاکستان-ایم کیو ایم کے قائد الطاف حسین کا کہنا ہے کہ علامہ اقبال مذہبی رواداری اور روشن خیالی کی منہ بولتی تصویر تھے، آج اسی مذہبی رواداری اوراعتدال پسندی کی ضرورت ہے۔ علامہ اقبال کے یوم پیدائش پراپنے پیغام میں متحدہ قومی موومنٹ کے قائد الطاف حسین کا کہنا تھا کہ شاعرمشرق علامہ اقبال ایک ہمہ جہت شخصیت کے مالک تھے جو نوجوان نسل کےلئے مشعل راہ ہیں۔ علامہ اقبال کے یوم پیدائش پر اپنے پیغام میں انہوں نے کہا کہ علامہ اقبال نے نہ صرف اپنی شاعری کے ذریعے مسلمانان برصغیر میں جدوجہد آزادی کا شعور بیدار کیا بلکہ خود بھی عملی جدوجہد میں حصہ لیا۔ علامہ اقبال مذہبی رواداری اور روشن خیالی کی منہ بولتی تصویر تھے اور ان کی شاعری میں اس شخصیت کا عکس صاف نظر آتا ہے۔ انہوں نے کسی بھی مذہب اور اس کے ماننے والوں سے کبھی نفرت نہیں کی ، آج اسی مذہبی رواداری اور اعتدال پسندی کی ضرورت ہے۔
