رہبر انقلاب اسلامی نے نیے سال کوحکومت اور عوام میں اتحاد و یک جہتی کا سال قرار دیا
ایکنا نیوز- رہبر انقلاب کی ویب سائیٹ کے مطابق رہبرانقلاب اسلامی آیۃ اللہ العظمی سید علی خامنہ ای نےنیے شمسی سال کی مناسبت سے ایک پیغام میں اس سال کو حکومت اور عوام میں یکجہتی اور ہمدلی کا سال قرار دیا ہے-
رہبر انقلاب اسلامی آیۃ اللہ العظمی سید علی خامنہ ای نے اس پیغام میں نئے ہجری شمسی سال کے آغازپر دختر رسول اکرم(ص) حضرت فاطمہ زہرا(س) کی شہادت کے ایا م واقع ہونے پر فرمایا کہ اہلبیت اطہار(ع) اور دختر رسول اللہ(ص) حضرت فاطمہ زہرا(س) سے ایرانی عوام کی عقیدت کے کچھ تقاضے ہیں جنھیں پورا کئے جانے کی ضرورت ہے اور امید ہے کہ نیا سال برکات فاطمی سے لبریز ہوگا- آپ نے گذشتہ ہجری شمسی سال کا اجمالی طور پر جائزہ لیتے ہوئے فرمایا کہ یہ سال، وطن عزیز کیلئے اندرونی و بیرونی نیز عالمی سطح پر اہم واقعات و تبدیلیوں کا سال رہا، جس میں کچھ مسائل بھی درپیش رہے لیکن اسی کے ساتھ ساتھ پیشرفت بھی ہوئی- رہبر انقلاب اسلامی آیۃ اللہ العظمی سید علی خامنہ ای نے فرمایا کہ درپیش مسائل کا سامنا کرنے کے حوالے سے ہماری قوم نے اپنے آہنی عزم کا اظہار کیا- رہبر انقلاب اسلامی نے فرمایا کہ نئے ہجری شمسی سال میں ملت ایران کیلئے ہماری کچھ آرزوئیں اور مقاصد ہیں اور یہ تمام خواہشات پوری ہوسکتی ہیں اور ان آرزوؤں میں اقتصادی ترقی، علاقائی و عالمی سطح پر اس کا وقار، مستحکم پوزیشن اور معنوی میدان کے ساتھ تیز رفتار علمی وسائنسی ترقی شامل ہے- آپ نے اپنے پیغام میں ایمان اور روحانیت کو تمام اہداف کی بنیاد قرا دیا- آیۃ اللہ العظمی خامنہ ای نے فرمایا کہ کوئی بھی ہدف و مقصد، ہماری قوم اور اسلامی نظام حکومت کی دسترس سے باہر نہیں ہے- آپ نے، حکومت اور عوام میں اتحاد کی ضرورت پر تاکید کی اور فرمایا کہ ان دونوں کے درمیان جتنی زیادہ یکسوئی اور وحدت و ہم آہنگی ہوگی کام اتنے ہی زیادہ آگے بڑھیں گے اور پیشرفت ہوگی- آپ نے امید ظاہر کی کہ عوام اور حکومت دونوں مل کر اس مقصد اور شعار پر حقیقی معنی میں عمل کریں گے اور اس کے اثرات جلد سامنے آئیں گے۔
رہبر انقلاب نے ۲۲ بھمن اور یوم قدس پر ایرانی عوام کی بھرپورشرکت کو سراہا اور کہا کہ منظم اقتصادی کوشش ہمیشہ ہماری ضرورت اور مدنظر نظر ہونی چاہیے۔
