ایران کے روحانی پیشوا کے بیان نے مجھے طاقت، قدرت اور عزم و حوصلہ عطا کیا
ایکنا انٹرنیشنل ڈیسک کی رپورٹ کے مطابق ونزوئلا کے صدر نکولس مادورو نے اپنے ایک ٹوئيٹر بیان میں ایران کے روحانی پیشوا اور رہبر معظم انقلاب اسلامی حضرت آیت اللہ العظمی سے ملاقات پر خوشی اور مسرت کا اظہار کرتے ہوئے کہا کہ ایران کے روحانی پیشوا کے بیان نے مجھے طاقت، قدرت اور عزم و حوصلہ عطا کیا ہے۔
ونزوئلا کے صدر نکولس مادورو نے اپنے ٹوئيٹر بیان میں کہا کہ ایران کے مذہبی پشوا کے ساتھ میری ملاقات معنوی ، روحانی اور حکیمانہ فضا سے سرشار تھی۔
مادورو نے کہا کہ میں رہبر معظم انقلاب اسلامی کے بیان کو گرانقدر سمجھتا ہے مجھے ان کے بیان سے طاقت و قدرت اور عزم و حوصلہ ملا ہے۔
ونزوئلا کے صدر نے اس سے قبل کہا تھا کہ ایران نے ونزوئلا کی اس وقت مدد کی جب دنیا کا کوئي ملک ونزوئلا کی مدد کرنے کے لئے تیار نہیں تھا۔ ایران اور ونزوئلا دونوں امریکی سامراج کے مقابلے مین سیسہ پلائی ہوئي دیوار کی مانند کھڑے ہیں۔
