لیبیا میں 31 اکتوبر کو اہل قرآن سے وفاداری کا دن منایا جائے گا

ایکنا تھران- لیبیا میں 31 اکتوبر کو اہل قرآن سے وفاداری کا دن منانے کے حوالے سے تجویز پیش کردی گیی۔

طرابلس شہر میں مختلف ممالک کے فنکاروں اور ماہرین کی موجودگی میں قرآنی خطاطی اور اس کی نگرانی پر ایک بین الاقوامی خصوصی کانفرنس منعقد ہوئی اور اس موقع پر 31 اکتوبر کو اہل قرآن سے وفاداری کا دن قرار دیا گیا۔
ایکنا نے لیبیا آبزرور کے حوالے سے نقل کیا ہے کہ لیبیا میں قومی اتحاد کی حکومت کے وزیر اعظم عبدالحمید الدبیبہ نے اعلان کیا ہے کہ ہر سال 31 اکتوبر کو اہل قرآن سے وفاداری کا دن قرار دیا جاتا ہے۔ اور کہا: یہ تاریخ لیبیا کی مجلس قرآن کی منظوری کا دن تھا۔
الدبیبہ نے قرآنی خطاطی اور اس کی نگرانی سے متعلق بین الاقوامی خصوصی کانفرنس میں خطاب کے دوران لیبیا کے قرآن کریم میوزیم کے قیام کا اعلان کیا اور کہا: اس عجائب گھر میں ایک ہزار سال یا اس سے زیادہ قدیم قرآن کے نسخے رکھے جائیں گے۔
لیبیا کے وزیر اعظم نے اس بات پر بھی زور دیا کہ اس ملک کی قرآن اسمبلی سے منسلک قرآن کریم اکیڈمی میں خدا کی کتاب کی تعلیم، علمی نصاب اور مضبوط تنظیمی ڈھانچے کی بنیاد پر کی جاتی ہے۔
لیبیا کی قومی اتحاد کی حکومت نے قرآن کریم کی اسمبلی کے نام سے ایک ادارہ قائم کیا ہے اور اسے قرآن مجید کے نسخوں اور خطاطوں کے کام کے لیے ضوابط کی تیاری سمیت اختیارات سونپے ہیں۔ اس وقت لیبیا میں قرآن پاک کی نقل، تحریر اور طباعت کے مخصوص اور یکساں ضوابط نہ ہونے پر متعلقہ ماہرین تنقید کرتے ہیں۔
قرآن کی کتابت اور اس کی نگرانی پر بین الاقوامی خصوصی کانفرنس 17 سے 19 اکتوبر تک طرابلس شہر میں منعقد ہوئی جس میں مختلف ممالک کے فنکاروں اور ماہرین نے شرکت کی۔
اس تقریب کے موقع پر منعقد ہونے والی نمائش میں کوفی، محیث، ریحانی، تعلیق، نسخ اور مغربی (مراکش) رسم الخط میں لکھے گئے قرآن اور غیر مشہور رسم الخطوں کی نمائش کی گئی اور اس میں عالم اسلام کے خطاطوں کے ایک گروپ نے شرکت کی۔
4093494