یمن؛ لاکھوں عوام غزہ کی حمایت میں نکل پڑے

ایکنا: بڑی تعداد میں عوام نے صنعاء اور دیگر شہروں میں غزہ کے عوام کی حمایت میں مظاہرہ کیا۔

ایکنا نیوز، المسیرہ نیوز کے مطابق ایک ملین مارچ میں پڑھے گئے بیان میں کہا گیا ہے: "ہم تصدیق کرتے ہیں کہ صہیونی یہودی ہمارے پہلے دشمن ہیں، اور غزہ میں ان کے جرائم، مقدسات کی بے حرمتی اور قرآن کریم کو جلانا اس بات کا ثبوت ہیں۔"

بیان میں کہا گیا: "ہم ڈونلڈ ٹرمپ سے فلسطینی مزاحمت کے خلاف اس کی حالیہ دھمکی کے بارے میں کہتے ہیں: نہ ہم امریکہ کی دھمکیوں سے ڈرتے ہیں اور نہ ہی اس کی خوشنودی سے خوش ہوتے ہیں۔"

بیان میں یمن کی مسلح افواج اور عراق کی اسلامی مزاحمت کی حالیہ کارروائیوں پر مبارکباد دیتے ہوئے کہا گیا: "ہم عرب اور مسلمان قوموں سے مطالبہ کرتے ہیں کہ وہ امریکہ کی ان سازشوں سے ہوشیار رہیں جو قوموں کے درمیان تقسیم اور تفرقہ ڈالنے اور مسلمانوں کو آپس میں لڑانے کے لیے ہیں۔ ہم ان سے یہ بھی کہتے ہیں کہ وہ غزہ کے واقعات پر اپنے دینی، اخلاقی اور انسانی فرائض کو انجام دیں۔"

اس بیان میں ان عرب اور اسلامی حکومتوں کے شرمناک موقف پر افسوس کا اظہار بھی کیا گیا جو غزہ کے عوام کی بھوک کے وقت دشمن کے لیے رسد کے راستے اور پل بن گئی ہیں۔