اسلامی تعاون تنظیم نے اسکول بس پر حملے کی مذمت کردی

ایکنا: اسلامی تعاون تنظیم (OIC) نے پاکستان کے جنوب مغربی علاقے خضدار میں ایک اسکول بس پر ہونے والے دہشت گرد حملے کی شدید الفاظ میں مذمت کی ہے، جس کے نتیجے میں درجنوں طلباء جاں بحق اور زخمی ہوئے۔

ایکنا کے مطابق، تنظیم کے سیکرٹری جنرل حسین ابراہیم طہ نے اس سانحے پر متاثرہ خاندانوں، حکومت اور پاکستانی عوام سے دلی تعزیت کا اظہار کیا اور زخمیوں کی جلد صحت یابی کے لیے دعا کی۔

انہوں نے دہشت گردی کی ہر شکل اور صورت میں مذمت کے اسلامی تعاون تنظیم کے مؤقف کو دہراتے ہوئے پاکستان کی حکومت اور عوام کے ساتھ یکجہتی کا اظہار کیا۔

پاکستانی حکام نے بتایا ہے کہ آرمی پبلک اسکول کے طلباء کی بس پر خودکش حملے کے نتیجے میں آٹھ طلباء، جن میں سات لڑکیاں اور ایک لڑکا شامل ہے، نیز دو بالغ افراد جاں بحق ہوئے۔/

4284726