مصحف الازهر دو زبانوں میں «مصر قرآن کریم» ایپ میں

ایکنا: شرکت «المتحده» کی جانب سے مصحف الازہر کو عربی و انگریزی زبانوں میں موبائل ایپ پر پیش کرنے کا اعلان کیا ہے۔

ایکنا نیوز- المصری الیوم کے مطابق، شیخ الازہر احمد الطیب نے پیر، کو میڈیا سروسز کمپنی «المتحده» کے ایک وفد سے ملاقات کی، جس کی قیادت کمپنی کے سی ای او طارق مخلوف کر رہے تھے۔

اس موقع پر شیخ الازہر نے کہا کہ الازہر نے اپنی تاریخ میں ہمیشہ قرآن و علومِ عربیہ کے فروغ کے لیے جدوجہد کی ہے، جس کی بدولت یہ ایک مضبوط علمی قلعہ بن چکا ہے اور دنیا بھر سے طلبہ اس کی طرف متوجہ ہوتے ہیں۔ انہوں نے مزید کہا کہ الازہر ہر اس سرگرمی کی حمایت کرتا ہے جو قرآن کریم کی خدمت اور نوجوان نسل کو کتابِ خدا سے جوڑنے کا ذریعہ بنے۔

شیخ الطیب نے زور دیا کہ آج کے نوجوان اس بات کے شدید ضرورت مند ہیں کہ وہ نہ صرف انحرافی و بیگانہ نظریات کے خطرات کو پہچانیں جو آزادیِ رائے و عقیدہ کے نام پر پھیلائے جا رہے ہیں بلکہ اپنے اردگرد کے تمام چیلنجز سے بھی آگاہ رہیں۔

ملاقات کے دوران طارق مخلوف اور ان کے وفد نے اس امر پر خوشی کا اظہار کیا کہ کمپنی «المتحده» قرآن کے علوم کی نشر و اشاعت کے لیے اپنے تمام وسائل بروئے کار لا رہی ہے۔ انہوں نے مزید اعلان کیا کہ یہ کمپنی الازہر کے سالانہ بین الاقوامی حفظِ قرآن مقابلے کی سرگرمیوں کو بھی بھرپور میڈیا کوریج فراہم کرے گی۔

مزید برآں، شرکت «المتحده» اور مجمع البحوث الاسلامیہ الازہر کے درمیان ایک تعاون معاہدہ طے پایا، جس کے تحت مصحف الازہر کو عربی اور انگریزی زبانوں میں "مصر قرآن کریم" ایپلیکیشن پر پیش کیا جائے گا تاکہ مصر کے اندر اور باہر زیادہ سے زیادہ نوجوان نسل تک رسائی حاصل کی جا سکے۔

اسی طرح دونوں فریقوں نے اس بات پر بھی اتفاق کیا کہ الازہر کے ۳۰ طلبہ کی قراءتِ مرتل، جنہیں کمیٹی برائے نظرثانیِ قرآن الازہر سے اجازت ملی ہے، کو ٹی وی پر ماہواره چینل "مصر قرآن کریم" کے ذریعے نشر کیا جائے گا اور اسے ایک خصوصی موبائل ایپ کی شکل میں بھی دستیاب بنایا جائے گا۔/

4305288