حشد الشعبی عراق کے وفد کی رہبرِ شہید انقلاب کو خراجِ عقیدت
گذشتہ روز، رہبرِ شہیدِ انقلاب اسلامی کے جسدِ اطہر کے ساتھ منعقدہ عوامی مراسمِ وداع کے موقع پر عراق کی معروف عوامی مزاحمتی رضا کار تنظیم حشد الشعبی کے ایک اعلیٰ سطحی وفد نے مصلی امام خمینی میں حاضری دی اور رہبرِ شہید کے بلند مقام کو خراجِ عقیدت پیش کیا۔
عراقی وفد نے رہبرِ شہید کی یاد میں منعقدہ تقریب میں شرکت کرتے ہوئے ان کی خدمات، جدوجہد اور اسلامی امت کے لیے ان کے کردار کو سراہا۔ وفد کے ارکان نے رہبرِ شہید کے جسدِ اطہر کے سامنے حاضری دے کر احترام کا اظہار کیا اور ان کے لیے دعا و فاتحہ خوانی کی۔
حشد الشعبی کے اس وفد کی شرکت کو ایران اور عراق کے عوام کے درمیان گہرے برادرانہ تعلقات، باہمی یکجہتی اور مشترکہ مزاحمتی اقدار کی علامت قرار دیا جا رہا ہے۔ وفد نے اس موقع پر اس عزم کا بھی اعادہ کیا کہ شہداء کے راستے اور ان کے اعلیٰ انسانی و اسلامی اہداف کو زندہ رکھا جائے گا۔/
