ہزار سالہ قرآنی مخطوطہ مکہ مکرمہ میں نمائش کے لیے پیش
ایکنا نیوز- عرب امریکا نیوز کے مطابق قرآن کریم کا یہ قدیم مخطوطہ معروف خطاط ابن بوّاب نے تحریر کیا تھا اور اسے حال ہی میں مکہ مکرمہ میں نمائش کے لیے رکھا گیا ہے۔
یہ نمائش مسجد الحرام، مکہ مکرمہ میں منعقد ہونے والی «اِقرأ» نمائش کا حصہ ہے۔
یہ مخطوطہ معروف خطاط ابن بوّاب، جنہیں علی بن ہلال کے نام سے بھی جانا جاتا ہے، نے گیارہویں صدی عیسوی کے آغاز کے قریب تحریر کیا تھا۔ یہ دنیا بھر میں موجود ابن بوّاب کے قرآن کریم کے صرف دو محفوظ نسخوں میں سے ایک ہے۔
اس مخطوطے کی اہمیت صرف اس کی قدامت تک محدود نہیں، بلکہ اس میں استعمال ہونے والے منفرد خطاطی کے فن، جمالیاتی خصوصیات اور خصوصی تزئینی عناصر بھی اسے غیر معمولی اہمیت کا حامل بناتے ہیں۔
اس نادر اثر کے ساتھ ایک فہرست اور علمی توضیح بھی پیش کی گئی ہے، جس میں اس مخطوطے کی خطاطی اور اس میں استعمال ہونے والی مخصوص تذہیب و تزئین کی اہمیت کو بیان کیا گیا ہے۔/
4368168
