İQNA-nın (Beynəlxalq Quran Xəbər
Agentliyi) "əl-aləm" xəbər agentliyinin informasiya portalına
istinadla verdiyi xəbərə görə, İRAQ qoşunları qərargahının sözçüsü mətbuat
konfransında elan etdi: Ər-Rəmadi şəhəri İŞİD terrorçuların işğalından azad
olundu.
Bu xəbərə görə İraqın Müştərək
Əməliyyat komandanlığı bir neçə dəqiqə öncə bildirib ki, Ər-Rəmadi şəhəri İŞİD
terrorçuların işğalından azad olunub. Əl-Ənbar əyalət rəisi bu xəbəri təsdiq
edib.
Xəbər agentliklərinin bildirdiyinə
görə, bu şəhər tam azad olunduqdan sonra İraq bayrağı dövlət binalarının
üzərinə sancılıb.
Bağdadaın 110 km qərbində yerləşən
əl-Anbar vilayətinin mərkəzi olan Ər-Rəmadi şəhəri bu ilin mart ayında İŞİD
tərəfindən şübhəli şəkildə işğal olunmuşdu.
İŞİD terrorçuları Ər-Rəmadiyə hücum
günündə əl-Anbardan Ər-Rəmadiyə qədər səhrada Suriya sərhədindən 500 kilometrə
yaxın ərazini qət edib. Halbuki İŞİD əleyhinə ABŞ-ın başçılıq etdiyi koalisiya
təyyarələri İraq səmasında uçuşlar keçirirlərmiş.
İki ay öncədən başlanan Ər-Rəmadinin
azad olunması əməliyyatı bir neçə mərhələdə əl-Anbar vilayətinin mərkəzinin
ətrafında irimiqyaslı əməliyyatların azad olunması ilə nəticələnmiş və İraq
ordusu qüvvələri ötən həftə bu şəhərə daxil olmuşdular.
