Ali-Xəlifə bu həftə də şiələrin cümə namazına mane olub

Tehran, 24.09.2016 - Ali-Xəlifə qüvvələri bu həftə də Manamanın ətrafında yerləşən İmam Sadiq (ə) məscidində şiələrin cümə namazının keçirilməsinə mane olub.

Beynəlxalq Quran Xəbər Agentliyi (İQNA) xəbər verir ki, Ali-Xəlifənin təhlükəsizlik qüvvələri cümə günü də İmam Sadiq (ə) məscidinin imam camaatının və bəzi namazqılanların bu məscidə gəlib çatmalarına mane olublar və namazqılanlar öz namazlarını fərdi şəkildə qılmağa məcbur olublar.

Bəhreynin təhlükəsizlik orqanı həmçinin İmam Sadiq (ə) məscidinin cümə namazında iştirak üçün Əldiraz məntəqəsinə yola düşmüş vətəndaşların bir neçəsini həbs edib.

Ayətullah İsa Qasimin mənzilinin yerləşdiyi Əldiraz məntəqəsi üç aya yaxındır ki, Ali-Xəlifə qüvvələri tərəfindən mühasirə olunub və orada şiələrin cümə namazının qılınmasına maneçilik törədilir.

Maide.az