Əfqanıstanda partlayış törədilib: 24 nəfər ölüb, 42 nəfər yaralanıb

Verilən məlumatlara əsasən, Əfqanıstanın paytaxtı Kabulda törədilən partlayış nəticəsində 24 nəfər ölüb, 42 nəfər yaralanıb.

İQNA (Beynəlxalq Quran Xəbər Agentliyi) Report-a istinadən xəbər verir ki, terrorçu-kamikadze iyulun 24-də səhər saatlarında partlayıcı yüklənmiş avtomobili Kabulun rayonlarından birində partladıb.

Partlayış Əfqanıstan icra hakimiyyəti başçısının ikinci müavininin evinin yaxınlığında törədilib.