İŞİD Nyu-Yorkda baş verən terror hücumunun məsuliyyətini qəbul edib

İŞİD təkfirçi-terrorçu qruplaşması Cümə günü yaydığı bəyanatda Nyu-York şəhərinin Manhetten rayonundakı terror hücumunun məsuliyyətini öz üzərinə götürüb.

İQNA-nın (Beynəlxalq Quran Xəbər Agentliyi) verdiyi xəbərə görə, Amerika, İngiltərə və Ərəbistanın birgə istehsalı olan vəhabilərdən təkiş edilmiş İŞİD təkfirçi-terrorçu qruplaşması Cümə günü yaydığı bəyanatda Nyu-York şəhərinin Manhetten rayonunda baş verən, səkkiz nəfərin ölümü və on bir nəfərin yaralanması ilə nəticələnən terror hücumunun məsuliyyətini öz üzərinə götürüb.

İŞİD terrorçularına bağlı saytlar bu xəbəri yayaraq elan editlər: Bu terror hücumunu həyata keçirən ünsür İŞİD-in üzvüdür. Onun Nyu-Yorkda həyata keçirdiyi terror nəticəsində iyirmi nəfərdən çox ölən və yaralananlar olub.

Nyu-York şəhərinin polis rəisinin açıqlamasında qeyd edilir ki, polisin gülləsi ilə yaralanaraq zərərsizləşdirilən terrorist ünsür milliyyətcə özbəkdir və İŞİD-ə üzv olduğunu özü etiraf edib. O, təkcə bu etirafla kifayətlənməyərək xəstəxana personalından tələb edib ki, otağına İŞİD-in bayrağını vursunlar.

Qeyd edək ki, 31 Oktyabr 2017-ci il, ABŞ-da yaşayan və İŞİD-ə beyət etmiş vəhabi miqrant Seyfullah Həbibullahyeviç Saypov tərəfindən terror hadisəsi törədilib.

29 yaşlı vəhabi Seyfullah Həbibullahyeviç Saypov idarə etdiyi kamyonu piyada zolağından keçən piyadaların üzərinə sürərək səkkiz nəfəri öldürüb və 11 nəfəri yaralamışdır.

Səudiyyə Ərəbistanın və ABŞ-ın yaratdığı İŞİD terrorçu qruplaşmasının üzvü olan Seyfullah Həbibullahyeviç Saypov 2010-cu ildən Florida əyalətində qeydiyyata düşüb və ABŞ-ın Nyu-Cersi əyalətində yaşayır. Onun bir arvadı və iki övladı vardır.

Hadisə zamanı Seyfullah Həbibullahyeviç Saypov polis tərəfindən güllə yarası alıb və xəstəxanaya yerləşdirilib. Onun öz iddiasına görə, o, İŞİD-ə işləyir.

http://iqna.ir/fa/news/3659529