İQNA-nın (Beynəlxalq Quran Xəbər Agentliyi) verdiyi xəbərə görə, Misrin Usvan və Bəhrul-Əhmər əyalətlərində Vəqflər Nazirliyinin təşəbbüsü ilə 12 Quran mədrəsəsinin açılış mərasimi keçirilib.
Misrin Vəqflər Naziriliyi bəyaniyyə yayaraq elan edib ki, Usvan və Bəhrul-Əhmər əyalətlərində yeni on iki Quran mədrəsəsi istifadəyə verilib. Bu mədrəsələrin təsis edilməsi Vəqflər Nazirliyinin Qurani-Kərimin pulsuz öyrədilməsi layihəsi çərçivəsində və Qurana xidmət üçün həyata keçirilib.
Qeyd edək ki, bundan öncə Qahirə, Cizə, İskəndəriyyə, Mənufiyə, Qərbiyyə, Fəyyum, Kəfərşeyx, Bəni Suyuf, Dehqəliyyə, Qəna, Əsyur, Qəlyubiyyə, Əqsər, Minya, Şərqiyyə, Şimali Sina, Port Səid, Cənubi Sina, Vadil-Cədid, Dimyat, Mətruh, Bəhrul-Əhmər, Suiz, Suhac və İsmailiyyə əyalətlərində ümumulikdə 788 Quran mədrəsəsi istifadəyə verilmişdi. Yeni açılımış 12 mədrəsə ilə bu elm ocaqlarının sayı 800 oldu.