"əl-Əhd" informasiya portalının verdiyi məlumata görə, Livan Şiə Alimlərinin Ali İslam Şurası bəyaniyyə yayaraq insanları koronavirus bəlası buludunun bəşəriyyətin üzərindən çəkilməsi üçün Cümə günü öz evlərində və məscidlərin minarələrində Səhifeyi-Səccadiyyədən dualar oxumağa dəvət edib.
Livan Şiə Alimlərinin Ali İslami Şurasının dini və məzhəbi təbliğat mərkəzinin Mart ayının 18-də yaydığı bəyaniyyədə möminlərdən Cümə günü Səmat duası və Səhifeyi-Səccadiyyənin 7-ci duasının oxumaları xahiş edilib.
"Səhifətus-Səccadiyyə" kitabındakı 7-ci duanı İmam Zeynülabidin (ə) bəlalar və müşküllər zamanı oxuyarmış.
Ümumi dua oxumaq kampaniyası Mart ayının 20-də, yeni Hicri-Günəş ilinin (1399) daxil olduğu gün, günün ikinci yarısı, Beyrut vaxtı ilə saat 17:00-da başlayacaq.