Fransa Müsəlmanlarının Ali Dini Şurasının bu barədə yaydığı bəyaniyyədə deyilir: Fransada koronavirus qurbanlarının sayı 12 min nəfəri keçib. Müsəlman qəbiristanlıqlarında yer azlığını və həmçinin müsəlman cənazələrini vətənlərinə, o cümlədən Ərəb ölkələrinə göndərməyin çətinliyini nəzərə alaraq müsəlmanların cənazələrinin qeyri-müsəlman məzarlıqlarında dəfn edilməsinə icazə verilir.
Bundan öncə də Fransa Müsəlmanlarının Ali Dini Şurası pandemiyanın qarşısını almaq hədəfi ilə meyyitlərin yuyulması, kəfən edilməsi, dəfn edilməsi və meyitlərə namaz qılınmasını qadağan etmişdi.