Azərbaycan respublikasının Muğan-Aran bölgəsində yerləşən Sabirabad rayonunun Qaratoğay kənd məscidində gecə saatlarında baş verən qəfil yanğın qısa müddət ərzində söndürülüb.
Ümumi sahəsi 220 m² olan birmərtəbəli məscid binasının yanar konstruksiyaları və içərisindəki əşyalar yanıb. Yaxınlıqdakı tikililər yanğından mühafizə olunub.
Qeyd edək ki, bu rayonda eyni zamanda digər bir məsciddə də yanğının baş verdiyi deyilir. Hadisə yerinə Fövqəladə Hallar Nazirliyinin Sabirabad yanğından mühafizə bölməsinin canlı qüvvəsi və hüquq-mühafizə orqanlarının əməkdaşları cəlb olunub. /APA