Səudiyyə rejimi həcc ziyarətinə YOX, əyləncəyə isə HƏ deyir
Səudiyyə rejiminin Həcc və Ümrə Nazirliyinin keçən ay həccin ardıcıl ikinci il ölkə vətəndaşları ilə müəyyən şərtlər altında məhdudlaşdıracağını açıqlasa da, Səudiyyə rejiminin əyləncə təşkilatı bu yaxınlarda vətəndaşlarından illik şənliklərə hazırlaşmalarını istəyib.
Səudiyyə rejiminin əyləncə təşkilatı fəallığı və əyləncəni artırmaq məqsədi ilə 2016-cı ilin may ayında qurulan bir qurumdur. Təşkilat hər il müxtəlif şəhərlərdə müxtəlif xarici müğənniləri, idmançıları və sənətçiləri dəvət edərək, müxtəlif mərasimlər və şənliklər keçirir.
“Riyadh Seasons” (Səudiyyə rejiminin əyləncə təşkilatına bağlı) Tvitter səhifəsi video paylaşaraq, “Riyad Mövsümü” adlanan şənliklərin yaxınlarda başlayacağını elan edib. Böyük kütlənin qatıldığı tədbirin təqdimat videosunda koronavirusla əlaqəli təlimatlarda və ya ən azı həcc zamanı bildirildiyi kimi bir söz belə yerləşdirilməyib.
2016-cı ildən bəri “Riyad Mövsümü”, “Ciddə Mövsümü” və “Şərq Mövsümü” başlıqları altında keçirilən bu tədbirlərin təbiəti Səudiyyə rejimində dini dairələr və müxalifət arasında təəccüb və qəzəbə səbəb olub. Qarışıq formada rəqs, əyləncə və qeyri-ənənəvi halda müşayiət olunan mərasimlərdə, spirtli içki və qumar yarışları da olur.
Müxaliflər “Məhəmməd bin Salman”ın xüsusi diqqəti ilə və “2030 vizyonu” hədəfləri istiqamətində keçirilən bu cür tədbirlərin ən vacib İslam müqəddəs yerlərinə ev sahibliyi edən və Hərəmeyni Şərifeynin (Məscidul-Həram və Məscidun Nəbi) olduğu bir ölkədə dinsizləşdirmə vasitəsi hesab edirlər.
Amerikalı pop müğənnisi Nikki Minajın 2019-cu ilin may ayında “Ciddə Mövsümü” şənliklərinin bağlanış mərasimində olması Səudiyyə rejimində çoxlu etirazlara səbəb olmuşdu. Eyni zamanda, bu ölkənin ən böyük dini qurum kimi bu ölkənin Ali Üləma Şurasının üç üzvünün bu cür tədbirlərə etiraz etməsi xəbəri medianın diqqətini çəkmişdi. Onlar bu cür proqramları “məqsədli mənəvi fəsad” kimi xarakterizə etmişdilər. Səudiyyə rejiminin Ali Uləma Şurasının üzvü və Səudiyyə rejiminin kral sarayının müşaviri Şeyx Abdullah Əl-Mutlaq da yerli cəmiyyətinin mədəniyyətinə və ənənəsinə zidd olan “əyləncə” proqramlarını “şeytani” adlandırmışdı.
Bu yaxınlarda livanlı pop müğənnisi Nəcvi Kərəmin Ər-Riyaddakı konsertinə qatılanların sayı 70.000 olmuşdu, lakin Səudiyyə rejimi yalnız 60.000 zəvvarın həcc ziyarətinə getməsinə icazə verib.
İndi “Riyadh Seasons”un həcc mövsümü ilə hər cür qeyri-İslami və qadağan olunmuş əməllərlə əlaqələndirilir. Hicazın şəxsiyyət vəsiqəsi olan həcc ziyarəti Səudiyyə rejiminin səlahiyyətliləri tərəfindən bir çox təbliğ ilə ediləcək, sonra isə yerli sakinlər arasından yalnız 60.000 zəvvarla və protokollara ciddi şəkildə əməl olunmaqla keçiriləcək.
Bu arada, Səudiyyə rejiminin əleyhdarları aşağıdakı sualı gündəmə gətirirlər: Koronavirus həcci məhdudlaşdırmaq üçün yaxşı bir bəhanədir? Zəvvarlar peyvənd olunmağa qəbul edilə bilməzdimi? Nə üçün həcc qapısı bağlanmalı və əxlaqsızlıq qapısı açılmalıdır?
“SaudiLeaks” saytı Məhəmməd bin Salmanın bu müddətdə üç hədəfi izlədiyini yazır.
1- İslam dünyası qarşısında iki müqəddəs ziyarətgahın müqəddəsliyini məhv etməyə çalışmaq,
2- Dini ayinləri tutub saxlamağın onun əlində olduğu mesajını vermək,
3- İngilisləri, sionistləri və Qərb tərəfdarlarını məmnun etmək.
Xəbərə görə, Səudiyyə rejiminin gənc vəliəhdi köklü dəyişiklik və İslamsızlaşma yaratmaq və cəmiyyəti korrupsiyaya yönəltmək üçün vəzifəyə başladığı gündən bəri çox çalışıb. Bu illərdə spirtli içki satdı, qarışıq şənliklər təşkil etdi, amerikalıları dəvət etdi. müğənnilər və yüzlərlə dini alim və xətibin məscidlərdə tutulması bunun bariz nümunəsidir.
Səudiyyə rejimində tutulanların siyahısını verən “Mutaqil Əl-Rai” Tvitter səhifəsinə görə, Məhəmməd bin Salmanın vəzifəyə başladığı gündən bəri Səudiyyə rejimində 114-dən çox dini təbliğatçı və ruhani həbs olunub.
Artıq zilhiccə ayında və həcc günlərində baş verən “Riyad mövsümü” tədbiri ilə səudiyyəli istifadəçilər sosial şəbəkələrdə etiraz etməyə başlayıblar.
“Nura Əl-Harbi” adlı istifadəçi yazır ki, livanlı pop müğənnisi Nəcvi Kərəmin Ər-Riyaddakı konsertinə qatılanların sayının 70.000 oldu, ancaq Səudiyyə rejimi yalnız 60.000 zəvvarın həcc ziyarətinə getməsinə icazə verdi.
“Məscidül-Həramda koronavirus var, ancaq Şeyx Türkinin keçirdiyi şənliklərdə yox?”.
“İbn əl-Müctəhid” adlı istifadəçi istə tvitində belə qeyd edir: “Doğru ilə səhv arasındakı müharibə zamanın sonunda şiddətlidir. Həccin bağlanması və şənliklərin keçirilməsi bu torpağa rəhbərlik edən şəxsin Tanrı və onun saf dininin düşməni olduğunu göstərir”.
Başqa bir istifadəçi Məkkənin zəvvarlardan boş olduğunu və Ciddənin rəqqaslarla dolu olduğunu yazır və müsəlmanlara müraciət edərək, nə qədər susmaq istədiklərini soruşur.
Digər bir istifadəçi isə belə qeyd edir: “Bin Salman, koronavirus bəhanəsi ilə həcc mövsümünü bağladı və milyonlarla müsəlmanı bu vəzifədən məhrum etdi, rəqs salonlarının qapılarını açıq qoyaraq, dünyanın hər yerindən sənətçiləri və müğənniləri Səudiyyə rejiminə gətirdi. Bu hərəkətlər İslam ayinlərinə qarşı açıq müharibədir”.
İstifadəçi başqa bir tvitində Livan pop müğənnisi Nensi Əjramın son günlərdə Səudiyyə şəhərlərində dörd konsert verdiyini və həccin eyni vaxtda bağlı olduğunu yazıb. /Deyerler.org
