"İQNA", "Şinhuva Ərəbi"-yə istinadən xəbər verir ki, Fələstin Administrasiyasının Qüds məhkəməsinin müşaviri Əhməd əl-Ravizi Fələstinin səsi radiosuna bildirib: "UNESCO-dan şəhərin altında, xüsusən də Məscidül-Əqsada aparılan qazıntıları araşdırmaq üçün Əl-Qüdsə bir araşdırma komissiyası göndərməsi istənilib."
Əl-Ravizi, qədim Qüds şəhərinin bir hissəsində torpaq sürüşməsindən sonra sionist rejimin Qüdsdəki hərəkətlərinin qarşısında bu təşkilatı öz məsuliyyətini yerinə yetirməyə çağırıb.
O, əlavə edib: "Məscidül-Əqsa"nı təhdid edən təhlükənin iki səbəbi var: Birincisi, sionist mühacirlərin Məscidül-Əqsaya gündəlik hücumları ilə bağlıdır. İkinci səbəb isə fələstinlilərin xəbəri olmadan Qüds şəhəri və Əl-Əqsa məscidi altında aparılan qazıntılarla bağlıdır."
O, beynəlxalq ictimaiyyəti təxribata son qoymaq üçün təcili tədbirlər görməyə çağırıb. O, həmçinin İsrail hökumətini qazıntıları açıqlamağa çağırıb.