Orucluğun on beşinci günündə xüşu ilə olan ibadəti Allahdan istəmək
Ramazan ayının 15-ci gününün duasında Allahdan diləyirik:
اللهمّ ارْزُقْنی فیهِ طاعَةَ الخاشِعین واشْرَحْ فیهِ صَدْری بإنابَةِ المُخْبتینَ بأمانِکَ یا أمانَ الخائِفین؛
"İlahi, bu gün qəlbində Allah xofu olan şəxslərə məxsus itaəti mənə nəsib et! Bu gün sinəmi təvazökarların tövbəsi ilə genişləndir! Əminliyinə and verirəm, ey qorxu əhlinə əminlik bəxş edən Allah!".
Qurani-Kərimdə elm və iman sahiblərinin xüsusiyyətləri haqqında belə buyurulur: "Onlar üzüstə səcdəyə qapanıb ağlayar, onların (Allaha) itaətini daha da artırar" (İsra, 109). İbadət və itaətdə əsas məqsəd nəfsi paklaşdırmaq və onu çirkinliklərdən təmizləməkdir. İbadətin paklığı sahəsində təsirli olan hər bir əməl bəyənilən və hər şeydən öndə olmalıdır. Təvazökarlıq qəlbin cilalanmasında və ibadətin təsirində mühüm rol oynayan şeylərdəndir.
Qurani-Kərim namazda təvazökarlığı xoşbəxt olan möminlərin xüsusiyyətlərindən biri hesab edərək buyurur: "Həqiqətən, möminlər nicat tapmışlar! (Cənnətə nail olmaqla mətləblərinə çatıb əbədi səadətə qovuşmuşlar!). O kəslər ki, namazlarında (hər şeyi unudaraq ruhən və cismən yalnız Allaha) müti olub (Ona) boyun əyərlər!" (Möminun, 1-2). Həqiqi möminlərin xüsusiyyətlərindən biri də xüşudur ki, bu da qəlbin itaətkarlığını və üzvlərin itaətkarlığını ehtiva edir. Qəlbin xüşusu olmadan üzvlərin xüşusu ikiüzlülük növüdür və ondan çəkinmək lazımdır. Bir rəvayətdə nəql olunur ki, Rəsuli-Əkrəm (s) namaz əsnasında saqqalı ilə oynayan bir kişini görüb belə buyurdu: "Əgər onun qəlbi müti olsaydı, bədən üzvləri də müti olardı".
Xüşu halını yaradan amillər: 1-Allahın əzəmətinə və insanın kiçikliyinə diqqət yetirmək 2-Allahın əzəmətini dərk etmək itaətkarlığa səbəb olar 3- İnsanın sahib olduğu nemətlərin Allahdan olmasına diqqət yetirmək 4-Allahın camal sifətlərinə diqqət etmək.
Şərhi-sədr istəmək
Quranda və Əhli-beyt (ə) təlimlərində vurğulanan əxlaqi məfhumlardan biri də Şərh-Sədrdir. “Şərhi-sədr” ifadəsinin sözləri sinənin ilahi rəhmətlə genişlənməsi deməkdir. “Şərhi-sədr”in mənası ağır və çətin vəzifələrdə bir növ yüksək və güclü dözümlülükdür. Quran ayələrindən aydın olur ki, “Şərhi-sədr” ilahi peyğəmbərlərin öz peyğəmbərlikləri yolunda istifadə etdikləri bir vasitədir. Bu ilahi nemətin kölgəsində dini təbliğ və hidayətlə məşğul olurlar. Şərhi-sədr insanlarda arzu olunan İslami xüsusiyyətləri yaradır.
Şərhi-sədrin təsirləri bunlardır: 1- Şübhədən qurtulmaq və işə qərar vermək 2- Üzaçıqlıq 3- Şəfqət və xeyirxahlıq 4- Eyibləri örtmək 5- Aramlıq və vüqar 6- Dözümlülük, səbir və qəzəbi ram etmək.
Şərh-Sədri yaradan amillər bunlardır: 1- Quran üzərində təfəkkür 2- Zikr 3- Həmd və ibadət 4- Dua və Allahdan istəmək.
“Müxbitin” təvazökarlar mənasındadır. Onların təvazökarlığı ancaq aləmlərin Rəbbinin qarşısında olan təvazökarlıqdır. İmam Sadiqdən (ə) rəvayət olunur ki, həzrət buyurdu: “Təvazökarlığın əlamətlərindən biri də budur: 1. Məclisin aşağısında oturmaqla kifayətlənmək. 2. Rastlaşdığın hər kəsə salam vermək. 3. Haqlı olsanız belə mübahisəni buraxın. 4. Təqvaya görə təriflənməyi sevməyin".
Allahdan qorxan qəlblər əmin-amanlıqdadır
“Allah qorxusu” nə deməkdir? Allah qorxusu bizim əməllərimizdən qaynaqlanan hal və çirkin əməl sahibini cəzalandırmaq üçün qurulan Allahın yoxlama sistemidir. Qiyamət günü insan dirildiləcək. Əgər günah işlədib cəzaya layiq olsa, cəhənnəmə aparılacaq və əzab çəkəcəkdir. Odur ki, Allah qorxunc və qorxulu bir varlıq deyil. qorxulu olan, Allahın qurduğu sistem əsasında bizi cəhənnəmə və ilahi əzaba sürükləyə biləcək öz hərəkətlərimiz və pis rəftarlarımızdır. İmam Hüseyn (ə) ilahi əzabdan amanda olmaq üçün buyurur: "Bu dünyada qəlbində Allah qorxusu olan kəsdən başqa, Qiyamət günü heç kəs əmin-amanlıqda deyil".
* Höccətül-İslam Ruhullah Bedramın yazdığı "Oruc tutanların Pıçıltıları" kitabından götürülmüşdür.
3967662
