Tehran Kitab Sərgisi bu gün açılır

İQNA - 35-ci Beynəlxalq Tehran Kitab Sərgisinin rəsmi açılış mərasimi bu gün yerli vaxtla saat 15.00-da İmam Xomeyni (r.ə) Müsəllas məscidində keçiriləcək.

Açılış mərasimində İranın mədəniyyət və islami irşad naziri Məhəmməd Mehdi İsmailinin iştirak edəcəyi bildirilib.

35-ci Tehran Kitab Sərgisi bu il mayın 8-dən 18-nə qədər keçiriləcək.

Yəmən, Beynəlxalq Tehran Kitab Sərgisinin builki xüsusi qonağı seçilib.

Əvvəllər xüsusi qonaq qismində Oman, Əfqanıstan, İtaliya, Rusiya, Çin və Türkiyə iştirak edirdi.

Kitab Sərgisi çərçivəsində müsahibələr, panellər və müxtəlif fəaliyyətlər təşkil olunacaq.

Asiya və Yaxın Şərqin ən mühüm kitab tədbirlərindən biri olan sərginin ilk dövrü 1987-ci ilə təsadüf edir. Uğurlu iş təcrübəsi ilə bu sərgi o vaxtdan bəri hər il 5 milyondan çox kitab həvəskarını cəlb edir.