Seyid Həsən Nəsrullah: "İnqilabın rəhbərinə səmimi başsağlığı veririk"
İQNA", "Əl-Mənar"-a istinadən xəbər verir ki, Livan Hizbullahının baş katibi Seyid Həsən Nəsrullah İran İslam İnqilabının Rəhbəri Ayətullah Xameneiyə göndərdiyi mesajda Ayətullah Seyid İbrahim Rəisinin və onu müşayiət edən heyətin onları daşıyan vertolyotun qəzaya uğraması nəticəsində şəhadətə çatmaları ilə bağlı başsağlığı verib.
Nəsrullah bu mesajında inqilab rəhbərinə xitab edərək dedi: "Bizi bu kritik mərhələdə bu şəxsiyyətlərin itkisinə görə yaşadığınız kədərə şərik hesab edin. Siz İslam ümmətinin hegemon qüvvələrə qarşı sərt döyüşünə rəhbərlik edirsiniz. Bizim bütün təsəllimiz, bütün məzlumlar, müqavimət döyüşçüləri sizin varlığınıza və müdrik rəhbərliyinizə ümidlidir".
Livan Hizbullahının baş katibi bu mesajın davamında qeyd etdi: "Allahdan ömürünüzün uzun olmasını, bu qəlb itkisinə tab gətirməkdə sizə yardımçı olmasını və (bu şəhidlərin) ailələrinə səbr diləyirəm".
Nəsrullah sözünə belə davam etdi: "İranın mərhum Xarici İşlər Naziri Hüseyn Əmir Abdullahian bütün beynəlxalq forumlarda müqaviməti müdafiə bayrağını əlində tutmuşdu".
Livan Hizbullahının baş katibi vurğuladı: "Hizbullah döyüşçüləri, qaziləri, şəhid ailələri və müqavimət tərəfdarları adından sizə ən səmimi qəlbdən başsağlığı verirəm".
4217299
