Əlcəzairdə milli Quran tilavəti qurumu yaradılır

İQNA – Əlcəzairin Vəqflər və Dini İşlər Nazirliyi ölkədə yüksək rütbəli məmurların nəzarəti altında milli Quran tilavəti müəssisəsi yaratmağı planlaşdırdığını açıqlayıb.

"İQNA", "Əş-Şuruq" saytına istinadən xəbər verir ki, bu qurumun işi din xadimlərinin fəaliyyətinə nəzarət etmək, onlara Quran oxumağı öyrətmək və yeni qarilərə Quran lisenziyası vermək olacaq.

Əlcəzairdə bir çox Quran fəalı bu qurumun yaradılmasını Vəqflər və Dini İşlər Nazirliyinin mühüm uğuru hesab edir.

Əlcəzairin Vəqflər və Dini İşlər Nazirliyinin rəsmiləri ölkədə Quran qiraət və rəvayətlərinin, xüsusən də Vərş və Nafii rəvayətlərinin tədrisində intensiv fəaliyyət göstərdiklərini bildiriblər.

Əlcəzairdə başqa ölkələrdən, xüsusilə Şimali və Qərbi Afrikadan Quran elmləri üzrə təhsil alan, Qurani-Kərimi öyrənən çoxlu tələbə var.

4218822