Malayziya "2025-də İsrailin süqutuna geri sayım" adlı bir konfrans təşkil etdi.
Malayziyada İran Mədəniyyət Attaşeliyinin İctimaiyyətlə Əlaqələr Bölməsinin verdiyi məlumata görə, konfransda çıxış edənlər İsrailin iqtisadi nüfuzunun yerlə-yeksan olması, sionist rejimin həqiqi simasının ortaya çıxması, Qəzza və Fələstin üçün İslam ölkələrinin birləşməsi və işğalçı rejimin mülki şəxslərə qarşı hücumlarının qınanması mövzularını müzakirə ediblər.
Bundan əlavə, İslam ölkələrinin Qəzza və Fələstindəki rolu ilə bağlı xüsusi bir panel təşkil edildi. İranın Mədəniyyət Attaşesi Həbib Ərzaniyə İranın güclənərək bölgədəki tarazlığı pozmaq niyyətində olub-olmadığı sualı verildi.
Ərzani bu suala cavab olaraq bildirdi ki, İran inqilabının prinsipi ölkənin xaricdən asılılığının aradan qaldırılmasına və özünə kifayətliliyinin təmin edilməsinə əsaslanan yüksək İslami dəyərlərin yenidən canlandırılmasına söykənir.
Eyni zamanda, İran Mədəniyyət Attaşesi vurğuladı ki, İran son 46 ildə heç bir müharibə başlamayıb və yalnız təhlükəsizliyini və milli maraqlarını müdafiə edərək ərazi bütövlüyünü qorumaqla məşğul olub.
Konfransın sonunda "Sionizmin Sonu və İsrailin Süqutu" adlı kitab təqdim olundu. Bu kitab dünya mütəfəkkirlərinin məqalələrinin ustad Əzmi Əbdülhəmid tərəfindən toplanmış bir əsəridir.
Kitab İran Mədəniyyət Attaşeliyi və MAPIM tərəfindən ortaq şəkildə ingilis dilində hazırlanıb. Kitabın yalnız ilk bölməsi Malay dilindədir.
Kitabda İsrailin 7 oktyabrdan sonrakı cinayətləri, İsrailin iqtisadi baxımdan çöküşü, sosial nüfuzu, beynəlxalq mövqeyi və dünyanın hər yerində İsrailə qarşı qlobal hərəkat mövzu olaraq ələ alınır.
4255661
