Tailandın Baş nazirinin Ramazan ayının başlanması münasibətilə təbrik mesajı
"İQNA"-nın Tailanddan verdiyi məlumata görə, Tailandın baş naziri Şinavatra müqəddəs Ramazan ayı münasibəti ilə bir mesaj yayaraq, bu müqəddəs ayın gəlişi münasibəti ilə bütün Tayland müsəlmanlarını və xaricdə yaşayanları təbrik edib.
O, mesajında əlavə edib: "Ramazan ayı xeyirxahlıq, səbir və mənəvi təmizlənmə ilə dolu bir aydır. Bu, dünya müsəlmanlarının öz bədənlərini və ruhlarını təmizləmək, xeyirxahlığı təbliğ etmək, qurban kəsmək və paylaşmaq üçün öz dini vəzifələrini yerinə yetirmək və oruc tutmaq, Allahın müsəlmanlara bəxş etdiyi Qurani-Kərimlə imanla dolu şüurlarını təzələmək üçün öhdəlik götürdüyü bir dövrdür".
Şinavatra mesajının yekun hissəsində dedi: "Hicri 1446-cı ilin müqəddəs Ramazan ayı münasibəti ilə ümid edirəm ki, Allah siz Tailand müsəlmanlarına həm ölkə daxilində, həm də xaricdə bərəkət, xoşbəxtlik və sevinc bəxş etsin ki, Ramazan ayında dini vəzifələrinizi tam yerinə yetirəsiniz və dualarınız qəbul olsun. Hamınıza sülh və firavanlıq arzulayıram".
4268830
