Moskva Qurani-Kərim sərgisində İslam Filmləri Həftəsi keçirilib
“Əl-Rayə qəzetinin verdiyi məlumata görə, bu sərgi Qətər Vəqflər və İslam İşləri Nazirliyinə bağlı “Şeyx Casim bin Məhəmməd bin Sani” Qurani-Kərim müsabiqəsinin Təşkilat Komitəsinin dəstəyi ilə keçirilib və mədəni, Quranı və interaktiv proqramları əhatə edib.
Rusiya Müsəlmanları Dini İdarəsi də Moskva Qurani-Kərim sərgisinin təşkilində əməkdaşlıq edib və İslam birliyinin, mədəniyyətlərarası həmrəyliyin əhəmiyyətini vurğulayaraq, Qurani-Kərimin mənəvi və mədəni ilham mənbəyi kimi rolunu izah edib.
Tədbirdə müasir texnologiyalardan və virtual reallıq (VR) təcrübəsindən istifadə olunaraq müxtəlif Quran proqramları və təlim seminarları təşkil edilib. Məqsəd isə Quranla bağlı təcrübəni daha canlı və cəlbedici etmək, beynəlxalq əlaqələri – xüsusilə də Qətər və Rusiya münasibətlərini – gücləndirmək olub.
Bundan başqa, nadir Quran nüsxələrinin və qədim əlyazmaların sərgisi, İslam tarixinin ilk dövrlərində Məkkə ilə tanışlıq imkanı yaradan virtual reallıq təcrübəsi, ərəb xəttatlığı üzrə bədii və tədris seminarları, Quran tilavəti və təcvid dərsləri, həmçinin uşaqlar və gənclər üçün hifz və tilavət müsabiqələri bu tədbirin digər proqramları sırasında olub.
Sərgi çərçivəsində keçirilən İslam Filmləri Həftəsində isə Qurani-Kərim mövzulu, peyğəmbərlərin həyatını əks etdirən, həmçinin dini və müasir mədəni məsələlərə həsr olunmuş filmlər nümayiş etdirilib.
Qeyd edək ki, “Qurani-Kərim Dünyası” sərgisi sentyabrın 21-də (cümə günü) Moskva Mərkəzi Məscidində açılıb və sentyabrın 24-dək davam edib.
Onun ikinci mərhələsi isə 6 oktyabr 2025-ci ilədək davam edəcək və Moskva ilə yanaşı, Saratov, Saransk və Kazan şəhərləri də bu tədbirə ev sahibliyi ediblər.
Saratov Mərkəzi Məscidində tədbir 19–22 sentyabr tarixlərində keçirilib. Saransk şəhərində isə proqramlar 26 sentyabrda başlayıb və 29 sentyabra qədər davam edib.
Kazan şəhərində sərginin oktyabrın 1-də başa çatacağı elan olunub.
4307348
