IQNA - İŞİD terror qruplaşmasının döyüşçüləri döyüşdən qaçan silahdaşlarını qaynar suda qaynadıblar.

"İŞİD nümayəndələri öz yeddi silah yoldaşını, onların əl-Fəllucə şəhəri rayonunda döyüş meydanından qaçdıqlarına diri diri qaynadıblar.”, – deyə FOX telekanalı şahidlərə istinadən bildirib.

Bildirilir ki, cəzalanmış şəxslərin ilk öncə əl və ayaqları bağlanıb, daha sonra isə onları qaynar su ilə dolu böyük qazana atıblar. Bundan başqa daha 19 nəfər döyüşdən qaçdıqlarına görə, İŞİD komandirlərinin qəzəbinə tuş gəliblər; onlar güllələniblər. İraq komandanlığı iyun ayının sonunda, şəhərdə sona qalmış İŞİD dəstələrini çəkilməsindən sonra əl-Fəllucə şəhərinin azad olunduğunu bildirib.

Reuters agentliyinin məlumatına əsasən, şəhərdə terrorçuların törətdikləri vəhşiliklərin izləri qalmaqdadır. Terrorçuların əsirləri içərisindən saxladıqları kiçik dəmir qəfəslərin şəkilləri yayılıb. Əl-Fəllucə şəhərinin azad olunması haqda qəti və son xəbəri əmliyyata başçılıq edən Əbdül Vəhhab əs-Sadi iyun ayının 26-sı bildirib. Paytaxt Bağdad şəhərindən qərbdə yerləşən Əl-Fəllucə şəhəri 2014-cü ilin əvvəlindən İŞİD terror təşkilatının nəzarəti altında idi. BMT mütəxəssisləri əl-Fəllucə sakinlərinin şəhərə yalnız avqust ayınında sonunda geri dönə biləcəklərinə işarə edirlər: dağıntıların miqyası böyükdür, bəzi yerlərdə quraşdırılmış partlayıcılar isə oranı sakinlər üçün təhlükəli edir.