IQNA

10:07 - June 04, 2019
Xəbər sayı: 3485262
İslam İnqilabının dahi memarı Ayətullah Üzma Seyid Ruhullah Musəvi Xomeyninin (r.ə) vəfatının 30-cu ildönümü münasibətilə sabah Tehran və İranın bir çox şəhərlərində mərasimlər təşkil olunacaq. 
İQNA-nın (Beynəlxalq Quran Xəbər Agentliyi) verdiyi xəbərə görə, 4 iyun, İslam İnqilabının banisi İmam Xomeyninin (r.ə) vəfatının ildönümü gününə təsadüf edir. 
İslam İnqilabının dahi memarı Ruhullah Musəvi Xomeyninin (r.ə) vəfatının 30-cu ildönümü münasibətilə sabah Tehran və İranın bir çox şəhərlərində mərasimlər təşkil olunacaq. 
Tehranda İmam Xomeyninin (rə) məqbərəsində təşkil olancaq mərasimdə Ali Rəhbər Ayətullah Xamenei çıxış edəcək.  
Mərasim yerli vaxtla saat 18:00-da başlaycaq.  Mərasimin təhlükəsizliyini təmin etmək məqsədilə sabah Tehranın İmam Xomeyni (ə) adına beynəlxalq hava limanına  uçuşlar axşam saat 9-dək dayandırılacaq.  Uçuşlar digər yaxın hava limanlarına təşkil olunacaq.  Eləcə də Tehran – Qum  maqistral yolunda gediş-gəliş  dayandırlacaq.  
İslam İnqilabının dahi memarı Ruhullah Musəvi Xomeyni (r.ə) 87 yaşında vəfat edib. 30 il bundan öncə vəfat etmiş İslam dünyasında ən nüfuzlu alimlərdən olan İmam Xomeyninin dəfn mərasimi Ginnesin Rekordlar Kitabına düşüb. Buna səbəb isə dəfn mərasimində fantastik sayda insanın iştirak etməsi olub.
Qeyd edək ki, 1989-cu il 4 iyun tarixində Ayətullah Ruhullah Musəvinin Tehran şəhərindəki dəfn mərasimində ölkə əhalisnin 6/1-i hesab edilən 10 milyon 200 min insan iştirak edib. Elə bu səbəbdən nüfuzlu alimin dəfni Ginnesin Rekordlar Kitabına daxil olub.
İmam Xomeyni (r.ə) şahlıq rejiminə və ABŞ-ın İranın daxili işlərinə müdaxiləsinə qarşı mübarizələrinə 1342-ci hicri şəmsi ilində başladı və şah tərəfindən öncə Türkiyəyə, daha sonra isə İraqa sürgün edildi.
İmam Xomeyni (r.ə) İraqda sürgündə olduğu 13 il ərzində şahlıq rejiminin pozğun mahiyyətinin ifşa edilməsi üzrə bir çox səylər həyata keçirtdi və ABŞ-ın İranla bağlı qanunsuz istəklərini ifşa etdi.
İmam daha sonra Fransaya mühacirət edir və öz mübarizələrinə Fransada davam edir. Bu mübarizələr 1357-ci ildə qələbə ilə nəticələnir.
İslam İnqilabının qələbə çalmasından sonra super güclərin destruktiv hərəkətlərinə, habelə daxili və xarici düşmənlərin fitnələrinə, o cümlədən Səddam rejimi tərəfindən İrana qəbul etdirilən müharibəyə rəğmən, İmam (r.ə) İran xalqına bütün bu çətinliklərin öhdəsindən gəlmək üçün məharətlə və müdrikliklə rəhbərlik etdi.
İmam Xomeyninin (r.ə) vəfatının ildönümü münasibətilə bu gün günün ikinci yarısında o həzrətin məqbərəsində ölkə rəsmilərinin və xarici qonaqların iştirakı ilə  xüsusi bir mərasim keçiriləcək. Mərasimdə Ali Rəhbər Ayətullah Xameneinin çıxış edəcəyi bildirilib. 
Ad:
E-poçt:
* Comment: