Suriyanın rəsmi xəbər agentliyi SANA Suriyanın şərqindəki ABŞ qoşunlarının karvanı yaxınlığında bomba partladığını bildirib.

Deyerler.org xəbər verir ki, Suriyanın şimalındakı yerli mənbələr Deyr Əz-Zor əyalətində ABŞ hərbi karvanının yolunda bir partlayış olduğunu bildiriblər.

Bombanın vilayətin Əl-Sabha qəsəbəsindəki İsa Əl-Osman məhəlləsinin yaxınlığında partladığını söyləyirlər.

Partlayış nəticəsində tələfatın olub olmaması barədə məlumat verilməyib.

ABŞ koalisiyasından da hadisə ilə bağlı açıqlama verilməyib.

Suriya ordusu dünən (2 iyul) Əl-Hasəkə əyalətində (Suriyanın şimal-şərqində) ABŞ hərbi karvanının qarşısını kəsmişdi.