Rusiyanın bu bölgəsində məscidlər və kilsələrin fəaliyyəti bərpa ediləcək
Rusiyanın Xantı-Mansi muxtar dairəsi (XMMD və ya digər adı Yuqra) məhdudiyyətlərin götürülməsinin 2-ci mərhələsində inanclılara dini məkanlara getməyə icazə verəcək.
Az.shafaqna.com “Islam Today”-a istinadən xəbərə əsasən, Rusiyanın Xantı-Mansi muxtar dairəsi (XMMD və ya digər adı Yuqra) məhdudiyyətlərin götürülməsinin 2-ci mərhələsində inanclılara dini məkanlara getməyə icazə verəcək.
Bu barədə XMMD başçısı Natalya Komarova operativ qərargahın iclasında bildirib.
O deyib ki, bütün dini müəssisələrdə sanitar təhlükəsizlik tədbirlərinə əməl edilməlidir.
“Dini təşkilatların obyektlərinə getməyə olan qadağanın götürülməsinə dair sənəd qəbul edilməyə hazırlanır”, – deyə Komarova qeyd edib.
Yuqra hökuməti məhdudiyyətlərin götürülməsi ilə bağlı 2-ci mərhələsində həmçinin əlavə təhsil və mədəniyyət müəssisələri açılacaq, kafe və restoranlara açıq hava altında qonaq qəbul etməyə icazə veriləcək.
