İraqın ən ucqar nöqtəsində Ərbəin ərəfəsində nəhəng “Ya Hüseyn” bayrağı qaldırıldı
İraqın cənubundakı ən ucqar nöqtəsindən Ərbəin zəvvarları Kərbəlanı ziyarət etmək üçün yürüşlərini davam etdirir.
Deyerler.org Al-Kafeel-ə istinadən xəbər verir ki, İraqın Bəsrə şəhərinin Fau rayonun Ras Əl-Bişə məntəqəsində sentyabrın 17-si keçirilən xüsusi mərasimdə yüzlərlə zəvvar Ərbəin günü Kərbəlada olmaq üçün piyada yola salınıb.
İraqın cənub məntəqələrindən Bəsrədə dəniz sahilindən yola düşən Ərbəin zəvvarları Kərbəlaya İmam Hüseynin (ə) ən böyük bayrağını daşıyırlar.
Artıq səkkizinci ildir ki, Ras Əl-Bişə məntəqəsində Ərbəin yürüşünü başlama festivalı təşkil edilir.
681 kilomterlik məsafəni İmam Hüseynin (ə) bayrağını piyada daşıyaraq, Kərbəlaya gedən zəvvar, bunu İmam Hüseynə (ə) eşqinə görə etdiyini bildirir. Bəsrəlilər bu mərasimi “Dənizdən çaya” adlandırırlar.
