Hər hədiyyədə onu verənə diqqət edin
"İQNA", xəbər verir ki, müəllif və dini tədqiqatçı höccətül-islam vəl-müslimin Məhəmməd Əli Xosrəvi “Ayənin məqsədini başa düşmək” adlı beşinci mühazirəsində varlığın mənşəyinə diqqət yetirməyin vacibliyini vurğulayıb. Onun mətnini aşağıda oxuya bilərsiniz;
Qurani-Kərimin hər bir cümləsinə “ayə” deyilir. “Ayə” nişanə deməkdir. Siz küçədə işarə görürsünüz, bu işarə sizin hədəfiniz deyil. Siz başqa yerə getmək istəyirsiniz. Bu işarənin rolu yol göstərməkdir. Deməli, Quranın bütün surələri ayələrdir, yəni əsas məqsədə və Allaha yaxınlaşmağa nişanədir.
Əgər insan ayəni məqsəd kimi qəbul edərsə, yolunu azmışdır. Ona görə də Quranı bu baxımdan oxuyun. Məsələn, Kövsər surəsini nəzərdən keçirək. Məsələ budur ki, Allah Həzrət Fatimeyi Zəhranı (s) “Kövsər” adı ilə Həzrət Peyğəmbərə (s) hədiyyə edib. Lakin surənin lap əvvəlindən varlığın yaradıcısı, yəni Allah haqqında söhbət edilir.
İstənilən hədiyyədə dörd şey hədiyyənin sütunu hesab olunur: (1) verən, (2) alan, (3) təqdim olunan hədiyyə (4) məqsəd. Kövsər surəsində hədiyyə verən Allah, “إنَّا أَعْتَيْنَا”hədiyyə alan peyğəmbərdir ki, bu ayədə “kə” işarəsi ilə göstərilir. Hədiyyə də “Kövsər”dir ki, bu işin məqsədidir. Bu ayədə də gördüyünüz kimi o, hədiyyə verəni biri “إِنَّا” digəri isə “أَعْتَيْنَا” ilə iki dəfə təkrar etmişdir. Bu o deməkdir ki, hədiyyədən və onu alandan əvvəl onu verənə baxmaq lazımdır.
Quranın bütün ayələrində deyilən hər bir qanunda və deyilən hər bir nemətdə Allahın əli görünməlidir. Bu, mənşəyə (varlığın başlanğıcına) diqqətdir ki, faydalıdır. Bütün Quran Allahın tövhidini ifadə edir. Quran ayələri təsbeh muncuqlarına bənzəyir ki, onlar bir-birinə iplə bağlandığı kimi ayələr də bir-birinə tövhidlə bağlanır.
Deyirlər “İxlas” və “Tövhid” surələrini üç dəfə oxuyun ki, Quranı xətm etməyin savabını əldə etmiş olasınız. Çünki Quran tövhid və ixlasdan başqa bir şey deyil. Quranı bu baxışla öyrənsək, qəlbimiz nurlu olar. Həmçinin hər an Allaha yaxınlaşmaq üçün əsas olan məqamlara yaxınlaşırıq.
3965314
