Quranın cəmiyyətdəki qadın problemləri üçün təqdim etdiyi həll yolu
Qadın problemi insan cəmiyyətlərində uzun müddətdir davam edən problemdir. Qərbin bu məsələyə yanaşması problemi yaradan məsələləri nəzərə almadan, problemi feminizm yolu ilə həll etməyə çalışan, qadınlara siyasi və sosial azadlıqlar verən bir yanaşma olub.
Quranın metodunu araşdıraraq belə nəticəyə gəlirik ki, Quranın yanaşması nə bütöv, nə də təfərrüat yönümlüdür, Quranın gender məsələsini ön plana çıxarmadığını, cəmiyyətin düşüncə və davranış sahəsində siyasətləri məntiqi bir prosesdə ortaya qoyduğunu görürük.
Qurani-Kərim bəşəriyyətin problemlərini həll etmək üçün göndərilib və təkcə bəzi əxlaqi məsələlərdən bəhs edən bir əxlaq kitabı deyil, həm də bəşəriyyətin problemlərini həll edən bir kitabdır.
Cəmiyyətin hər problemi üçün Allah tərəfindən yol göstərən bir ayə nazil edilmişdir. Hər bir ayə problemin həllinə yönəlmişdir. Sadəcə problemin həlli prosesini tapmaq lazımdır.
Qərb sosial reallıqları dərk etməyin əsas metodu kimi eksperimental (təcrübə) metoda baxır. İslam bununla məhdudlaşmır, başqa üsullar da təklif edir.
Nisa surəsi; Qadınlar üçün Qurandan bir hissədir
Qərbin qadın məsələlərinə yanaşması, təxminən dörd əsr əvvəl başlayan və son 200 ildə bütün dünyaya yayılan feminizmi doğurdu. Dünya qanunlarının çoxu feminizmdən doğulub.
Quranın bu problemi həll etmək üsulu Qərblə bəzi əsaslı fərqlərə malikdir. Birincisi, Qərbdə qadınlar problemi həll etməyə çalışdılar və bu, bir hərəkatın başlamasına səbəb oldu. Lakin İslamda problemin həlli sahəsinə ilk dəfə Quran daxil oldu. İkincisi, İslam və Quran üsullarında vəhy mənbəyi problemin həllinə kömək etmək üçün gəlir, Qərb metodunda isə vəhy mənbəyi bir kənara qoyulur.
İslam qadın və kişi arasındakı təbii fərqlərə, hər birinin yaradılış sistemindəki mövqeyinə və ehtiyaclarına diqqət yetirməklə yanaşı, cəmiyyətdə cinsiyyət məsələsinin ön plana keçməsinin qarşısını almışdır.
Cahiliyyət dövründə qadınların və qızların cəmiyyətdə yeri yox idi və onlara qarşı mənfi münasibət vardı. Quran vəhyin əvvəlindən bəri onların qızlarını niyə diri-diri basdırdıqlarını soruşaraq, cahiliyyət dövrünün qadınlarla bağlı adət-ənənələrinin qarşısında durur. Başqa sözlə, Quran cəmiyyətin qadına münasibətini dəyişdirdi. Cahiliyyət dövründə cəmiyyətdə insan nəslinin oğlan uşaqları vasitəsilə davam edəcəyinə inanılırdı. Lakin Quran bu inanca qarşı çıxdı.
Quran baxımından qadın
Üçüncü addım müvəffəq qadınların hekayəsini danışmaq idi. Quran tarixdə bir çox müvəffəq qadınların hekayələrindən bəhs edir və bununla da qadınların cəmiyyətdəki rolunu dəyişdirir.
Dördüncü addım qadınların vasitəsi ilə maarifləndirici və əxlaqi proqramların həyata keçirilməsidir. Qurani-Kərim qadınların kişilərlə birlikdə gözəl həyata (hayati-təyyibə) nail ola biləcəyini bildirir.
Beşinci addım cahiliyyət dövrünün nikah və boşanma ilə bağlı mövhumat adət-ənənələrini aradan qaldırmaqdır.
Altıncı addım qadınların maliyyə müstəqilliyinin tanınması idi. Quran müxtəlif mərhələlərdən sonra qadının cəmiyyətdəki mövqeyini dəyişməyə nail olmuşdur.
Məhəmməd Təqi Əhmədi Pərtovun çıxışından götürülmüşdür.
4126600
