IQNA

Gənc Almaniya müsəlmanlarının Qurani-Kərimə baxışları

10:49 - May 08, 2024
Xəbər sayı: 3495907
İQNA – Almaniyada aparılan yeni sorğu göstərir ki, ölkədəki gənc müsəlmanlar Quranı bu ölkənin mövcud qanunlarından daha mühüm görürlər.

"İQNA", "İlaf" saytına istinadən xəbər verir ki, sorğu “Bild Zeitung” qəzeti tərəfindən Almaniyada gənc ərəblər arasında aparılıb. Nəticələr göstərir ki, gənclər Quranı Almaniyanın qanunlarından daha mühüm hesab edirlər.

Xəbərə görə, sorğuda iştirak edənlər Almaniyanın Aşağı Saksoniya əyalətində orta və ya texniki peşə liseyində təhsil alan, alman dilini yaxşı bilən və yeni gələn köçkünlər arasında olmayan 15 yaşı tamam olan gənclərdir.

Məlumatlar göstərir ki, gənclərin 45,8 faizi İslam hökumətinin ən yaxşı idarəetmə forması olduğuna inanır, 35,3 faizi isə Allahı və İslam Peyğəmbərini (s) təhqir edənlərə qarşı sərt davranışı məqbul hesab edir. 31%-i Qərbdə müsəlmanları təhdid edənlərə qarşı sərt davranış tətbiq etməyi məqsədəuyğun hesab edir.

Qeyd edək ki, 84 milyonluq Almaniya əhalisinin təqribən 5,3 milyonunu müsəlmanlar təşkil edərək, onu Qərbi Avropada Fransadan sonra ikinci ən böyük müsəlman icması edir.

4213951

Teqlər: avropa ، islamofobiya ، almaniya ، İslam ، quran
captcha