HƏMAS: "İsrailin məhbuslardan canlı qalxan kimi istifadə etməsi müharibə cinayətidir"
Rişk verdiyi yazılı açıqlamada, "Nasist işğal ordusunun Qəzza zolağında keçirdiyi əməliyyatlar zamanı fələstinli əsirlərdən canlı qalxan kimi istifadə etməsi tam hərbi cinayətdir" deyib.
Bunun bütün müharibə qanunlarının və məhbusların hüquqlarının açıq şəkildə pozulması olduğunu və bütün beynəlxalq konvensiyalara, qanunlara və razılaşmalara məhəl qoymamaq mənasına gəldiyini bildirən Rişk, canlı qalxan cinayətinin aclıq da daxil olmaqla hər cür pozuntunun yer aldığı siyahıya daxil olduğunu sözlərinə əlavə etdi. Fələstinli məhbus və əsirlərin hansı təhqir və təzyiqlərə məruz qaldığını da vurğuladı.
Bu pozuntuların həmçinin "qəsdən tibbi səhlənkarlıq, yemək və dərman məhrumluğu, üzvlərin sındırılması, yavaş-yavaş qətllər və tarlada edamlar" olduğunu qeyd edən Rişk, Beynəlxalq Ədalət Məhkəməsini və Beynəlxalq Cinayət Məhkəməsini "işğal liderlərinin mühakimə olunduğu müharibə cinayətləri faylına canlı qalxan cinayətini də əlavə etməyə" çağırıb.
İsrail qüvvələri iyunun 22-də Cənin şəhərinin Əl-Cabiriyyət məhəlləsində bir evə basqın zamanı 3 gənci tapança ilə yaralayıb, bu gənclərdən birini hərbi cipin kapotuna bağlayıb ondan canlı qalxan kimi istifadə edib və ilk yardım qruplarının yaralı fələstinliyə çatmasına mane olub.
