Kərbəla üçüncü beynəlxalq Quran müsabiqəsinin başlanması
"İQNA"-nın Kərbəladan verdiyi xəbərə görə, İmam Hüseyn (ə) Hərəminin Darül-Quran rəhbərliyi Qurani-Kərimin tilavəti və əzbərlənməsi üzrə beynəlxalq Kərbəla müsabiqəsinin üçüncü mərhələsinə start verib.
İslam dünyasının müqəddəs ziyarətgahları, rəsmiləri və məşhur məscidləri üçün xüsusi olan bu müsabiqədə bu il 23 ölkənin nümayəndəsi iştirak edir.
İmam Hüseyn (ə) Hərəminin Quran mediası şöbəsinin müdiri Kərrar Əl-Şəmmri deyib: "23 ərəb və xarici ölkəni təmsil edən 61 Quran hafizi və qarisinin iştirakı ilə Kərbəla Beynəlxalq Qiraət və Hifz Müsabiqəsinin üçüncü mərhələsi bir qrup alim, akademik, milli və beynəlxalq Quran institut və mərkəzlərinin nümayəndələrinin iştirakı ilə başlayıb.
Əl-Şəmmri əlavə etdi: "Yarışların məqsədi Quranı nadanlar və azmışlar üçün hidayət nuru, haqqdan dönməyən ədalət tərəzisi və azmışları xilas edən nicat bayrağı kimi tanıtmaqdır.
Əl-Şəmmri bildirib ki, bu yarışları beynəlxalq Quran müsabiqələrində hakimlik təcrübəsi olan 15 Quran hakimi və Quran elmləri və dini yaradıcılıq sənətləri üzrə ekspertlər qiymətləndirir.
O, çıqlayıb ki, bu müsabiqəni fərqləndirən cəhət odur ki, o, İmam Hüseyn (ə) Hərəmində, həmçinin dini mərcəiyyət nümayəndəsi və bu hərəmin qanuni rəhbəri Şeyx Əbdül-Mehdi Əl-Kərbəlayinin dəstəyi ilə keçirilir. Bu yarışlar öz növlərində unikaldır və yalnız müqəddəs ziyarətgahlar, rəsmi şəxslər və İslam dünyasının məşhur məscidləri üçün nəzərdə tutulub.
O əlavə etdi: "Müsabiqənin fəaliyyətləri İmam Hüseyn (ə) və Həzrət Abbasın (ə) müqəddəs hərəmlərinin qarisi Abdullah Züheyr Əl-Hüseyninin qiraəti və Nəcəf Əşrəf hövzəsinin ustadı Hüseyn Əl-Həkim və yarışların baş nəzarətçisi və Darul-Quran rəhbəri Şeyx Xeyrəddin Əl-Hadinin və Hakimlər Komitəsinin nümayəndəsi Səmih Əhməd Osamənənin çıxışı ilə başladı. Bu tədbirə media fəalı Əhməd Nəcəf rəhbərlik edir.
4224140
