Misirdə beynəlxalq Quran yarışı başlayacaq
"Əl-Əhram" saytının verdiyi xəbərə görə, Vəqflər Naziri Osamə Əl-Cundi Quran hafizləri və qarilərini bir araya gətirəcək müsabiqənin 7-10 dekabr tarixlərində Qahirədə təşkil olunacağını bildirib.
Nazir açıqlamasında, onlayn qiymətləndirmələr nəticəsində indiyə qədər müsabiqədə iştirak etməyə haqq qazanan ümumilikdə 141 iştirakçının müəyyən edildiyini qeyd edib.
Bundan əlavə, Cundi müsabiqədə qalib gələnlər üçün 11 milyon Misir funtu məbləğində pul mükafatının ayrıldığını vurğulayıb.
O həmçinin bu beynəlxalq müsabiqəyə "Quranın Tərcüməsi" adı altında yeni bir kateqoriyanın əlavə olunduğunu qeyd edib.
Mısırlı alim bildirib ki, Vəqflər Nazirliyinin nəzarəti altında keçirilən bu müsabiqə Misirin Quranın dünyada yayılması və dəstəklənməsi sahəsindəki səylərini nümayiş etdirir.
4251727
