Omanın baş müftisinin Qəzzadakı müqavimətə tövsiyəsi: “Silahınızı yerə qoymayın”
“İQNA” xəbər verir ki, Omanın baş müftisi şeyx Əhməd Xəlili şəxsi "X" sosial şəbəkə səhifəsində paylaşdığı mesajda Fələstin müqavimətinə tövsiyə edərək bildirib: “Əgər silahlarını yerə qoysalar, heç kim onlara fayda verə bilməz”.
Omanın baş müftisi Fələstin xalqını Qurani-Kərimin hökmlərinə sadiq qalmağa və yaxşı və pis günlərdə səbirli olmağa çağırıb.
O, bəzi müsəlman ölkələrindən Qəzza müqavimətinə silahlarını təhvil verməklə bağlı çağırışların edilməsinə təəccübləndiyini bildirib və deyib: “Bu çağırışlar o halda edilir ki, düşmən Qəzza xalqını hər tərəfdən mühasirəyə alıb və ölümcül silahlarla hücumdan, ərzaq və dərman blokadasından çəkinmir”.
Bir neçə gün əvvəl isə Omanın baş müftisi beynəlxalq qurumları və dünya ictimaiyyətini Qəzzaya göndərilən yardımların oğrular tərəfindən ələ keçirilməsinin və bu yardımların baha qiymətə satılmasının qarşısını almağa çağırmışdı.
4298485
