Pentaqonun sabiq müşaviri: İranla müharibə NATO‑nu və Amerika imperiyasını məhv etdi
“İQNA”-nın “əl‑Məyadin”ə istinadən verdiyi məlumata görə, Makqreqor Donald Trampın müharibədə qələbə iddialarına toxunaraq deyib:
“Prezident iddia edir ki, biz artıq qalib gəlmişik. Deyir ki, hər şeyi məhv etmişik, İranın əlində heç nə qalmayıb, davam edə bilmirlər, raketləri tükənir və əlləri bağlıdır. Əgər bunlar doğrudursa, bəs niyə Tramp bu cür bəyanatları təkrar‑təkrar səsləndirir?”
Sabiq müşavir İranın İsrail və Körfəz ölkələrinə böyük ziyan vuran raket və PUA hücumlarına işarə edərək istehza ilə soruşub: “Əgər deyilənlər doğrudursa, bəs niyə İran ağ bayraq qaldırmayıb?”
O, ABŞ‑ın regional müttəfiqlərinə dəyən ziyanı xatırladaraq deyib:
“Biz bu hücumlara qarşı biabırçı şəkildə hazırlıqsız idik və müttəfiqlərimiz bizim bazalarımıza və bizə verdikləri dəstəyə görə dəhşətli itkilər verdilər.”
Makqreqor sonda vəziyyəti qiymətləndirərək bildirib: “Biz çətin vəziyyətdəyik. Məncə strateji təşəbbüs iranlıların əlindədir. Sona çatan onlar deyil.”
Tramp İranla müharibədən çıxış yolu axtarır
Amerika mediasının məlumatına görə, Prezident Donald Tramp cümə günü İranla müharibəni bitirmək üçün bir yol axtarmağa başlayıb. Çünki uzunmüddətli hərbi əməliyyatın Konqresin aralıq seçkilərində respublikaçıların mövqeyini zəiflədə biləcəyindən narahatdır.
Əl‑Məyadinin yazdığına görə, ABŞ-da bir jurnal nəşri Reuters‑ə istinadən bildirib ki, “artmaqda olan siyasi və iqtisadi xərclər Trampı çıxış yolu axtarmağa məcbur edib.” Mənbələr əlavə ediblər ki, Tramp ötən həftə müşavirlərinə və Konqres üzvlərinə deyib ki, əməliyyatın uzanmasının qarşısını almaq üçün müharibənin bitməsini istəyir, çünki bu, seçkilərdən əvvəl respublikaçıların mövqeyini zəiflədə bilər.
Hesabata görə, Tramp siyasi ziyanın geri dönməz hala gəlməsindən əvvəl qələbə elan edib əməliyyatları dayandırmağa çalışır, baxmayaraq ki, ABŞ administrasiyasının yüksək vəzifəli rəsmilərindən biri “imkan pəncərəsinin məhdud olduğunu” xəbərdarlıq edib.
ABŞ-da aralıq seçkilər gələn noyabrda keçiriləcək və analitiklər hesab edirlər ki, respublikaçılar Nümayəndələr Palatasına nəzarəti demokratlara uduza bilərlər.
Jurnalistlər və siyasi ekspertlər Konqresdə çoxluğun itirilməsi ehtimalını İranla davam edən müharibə fonunda hökumətin populyarlığının azalması və qiymətlərin artması ilə əlaqələndirirlər. Bu da Trampa böhranın daha tez bitməsi üçün əlavə təzyiq yaradır.
4344136
