Barzani: İran din və millətçiliyin bənzərsiz birləşməsidir
“İQNA”-nın məlumatına görə, Neçirvan Barzani İtaliyanın “Korriere della Sera” qəzetinə verdiyi eksklüziv müsahibədə deyib: “İran sistemi din və millətçiliyin bənzərsiz bir qarışığıdır. Bu müharibə onları birləşdirdi və sistem möhkəm qaldı.”
O əlavə edib: “İran böhranı üçün hərbi həll yoxdur. Atəşkəsin möhkəmləndirilməsi üçün bütün addımlar atılmalıdır.”
Kürdüstan Regionunun rəhbəri bildirib: “Mən hələ də düşüncə tərzlərinin toqquşduğunu görürəm. Bu atəşkəslə bağlı iranlılar detallara qarşı çox həssas və narahatdırlar. Amerikalılar isə tez həll yolları tapmaq istəyirlər. Amma səbir də lazımdır.”
Barzani vurğulayıb: “İsrailin Livanı bombalaması səhvdir. Onlar dərhal bu bombardmanı dayandırmalıdırlar ki, atəşkəsin möhkəmlənməsinə əminlik yaransın. Xüsusilə ona görə ki, israillilər təkcə Hizbullaha hücum etmirlər, həm də ölkənin infrastrukturuna ziyan vururlar.”
O əlavə edib: “Uzun müddətdir deyirəm ki, bir ölkənin sistemini hava hücumları ilə dəyişmək mümkün deyil. İran sistemi din və millətçiliyin özünəməxsus birləşməsidir. Bu müharibə onları birləşdirdi. Hətta liderlərin sui-qəsdlə öldürülməsi də çox fayda vermədi, çünki onların yerinə dərhal yeniləri seçildi. İranlılar ötən ilin iyun müharibəsindən çox dərs almışdılar və bu yeni hücuma qarşı da yaxşı hazırlaşmışdılar; onlar necə dayanmağı bilirlər. İrəliyə gedən yeganə yol diplomatiyadır. İran sistemi güclü institutlara malikdir.”
4345680
