“İQNA”-nın "Əl-Cəzirə"yə istinadən verdiyi xəbərə görə, Xacə Məhəmməd Asif deyib: "Bu razılaşmanın əldə olunması Netanyahunun siyasi sonuna və hətta onun həbsinə səbəb ola bilər".

Məhəmməd Asif əlavə edib: "Sionist rejiminin qərbli müttəfiqləri İordan çayının qərb sahili, Qəzza və Livanda törədilən soyqırımda şərikdirlər".

Eyni zamanda, "Bizim evimiz İsrail" adlı müxalifət partiyasının rəhbəri ABŞ ilə İran arasında razılaşmanı sionist rejiminin qurulduğu gündən bəri baş vermiş ən böyük siyasi fəlakət adlandırıb.

"Bizim evimiz İsrail" müxalifət partiyasının rəhbəri Aviqdor Liberman bazar ertəsi günü "X" sosial şəbəkəsində yazıb: "ABŞ ilə İran arasında razılaşma İsrailin qurulduğu vaxtdan bəri ən böyük siyasi fəlakətdir".

Netanyahu kabinetinin ABŞ hökuməti qarşısındakı itaətkarlığını tənqid edən Liberman deyib: "Biz dünya bazarlarındakı yanacaq qiymətlərinə əsasən deyil, İsrailin maraqlarına uyğun hərəkət etməliyik".

4359864